БНХАУ-ын дарга, Коммунист намын Төв хорооны Ерөнхий нарийн бичгийн дарга Си Жиньпиний урилгаар БНАСАУ-ын удирдагч Ким Жон Ун БНХАУ-д айлчилж байна. Энэ тухай засгийн газраас баталлаа гэж "Синьхуа" агентлаг мэдээллээ.
БНАСАУ-ын удирдагчийн айлчлал нэгдүгээр сарын 7-10-ны өдрүүдэд үргэлжилнэ гэж хэвлэлийн албаны төлөөлөгчийн мэдэгдэлд тэмдэглэжээ.
Ким Жон Ун БНХАУ-д дөрөв дэх удаагаа айлчилж буй нь энэ бөгөөд тэрбээр өнгөрсөн онд тус улсад гурван удаа айлчилсан юм. Тэрээр 2018 оны 3-р сарын 25-28, 5-р сарын 7-8, 6-р сарын 19-20-нд тус тус Хятад улсад айлчилсан юм.
Мөн өнөөдөр удирдагч Ким Жон Уны 35 насны төрсөн өдөр тохиож байгаа юм. Умард Солонгосын 2019 оны хуанли дээр энэ өдрийг жирийн ажлын өдрөөр тэмдэглэсэн байна.
