Шинэ жилийн баяр, амралтын өдрүүдэд нийтийн хэв журам сахиулах, олон нийтийн аюулгүй байдлыг хангах, гэмт хэргээс урьдчилан сэргийлэх, замын хөдөлгөөний аюулгүй байдлыг хангах зорилгоор Цагдаагийн ерөнхий газраас “Шинэ жил-2018” нэгдсэн арга хэмжээг зохион байгуулж байна.
Энэхүү арга хэмжээнд ХСИС-ийн Цагдаагийн сургууль, Ахлагчийн сургуулийн 800 сонсогч энэ сарын 25-наас эхлэн хүч нэмэгдүүлэн үүрэг гүйцэтгэж байна. Сонсогчид нийслэлийн дүүргүүд дэх цагдаагийн хэлтэс болон Эргүүл хамгаалалтын газарт хуваарилагдан ажиллаж байгаа юм.
