Epson International Pano Awards шагналыг жил бүр шилдэг панорамын гэрэл зурагт олгодог. Энэ онд ес дэх удаагаа шагнал гардууллаа. Энэ томоохон уралдаанд мэргэжлийн зурагчдаас гадна сонирхогчид оролцдог. Мэргэжлийн, Сонирхогчдын гэсэн хоёр ангилал тус бүр нь 50 мянган долларын шагналтай.
Уралдааныг зохион байгуулагчид дижитал фото ба редакторын программ хөгжиж буй цагт пост-продакшн гэх нэг бүтээлд хэд хэдэн кадр цуглуулдаг, энэ нь бүтээл улам чухал болж буйг хэлж байна. Энэ жилийн уралдаанд 74 орны 1152 гэрэл зурагчин 4937 зураг ирүүлснээс Болгарын Веселин Атанасов тэргүүн байрыг авчээ.
Фото: Stefan Thalerfrom
Коптер дроноос Швейцарийн Малойя давааны серпантин замын зургийг австри залуу Штефан Талерформ “Гараар бүтээгдсэн хүрээлэн буй орчин” ангилалд ирүүлсэн байв.
Фото: Anastasia Woolmington
Австралийн бүсгүй Анастейша Вулмингтон энэ зургийг Японд айлчлахдаа авчээ. Мэото Ива гэгдэх эхнэр нөхөр хоёрын гэх хадан цохио Футамиас холгүй байдаг. Шинто шашны Изанаги ба Изанами гэх хоёр сүнсний гэрлэлтийг эдгээр хадан цохионууд бэлгэддэг. Япончууд гэрлэхийн өмнө ийшээ ирэн мөргөл хийдэг ажээ.
Фото: Isabella Tabacchi
Изабелла Табакки энэ зургийг Швейцарийн Церматте Монте-Роза гэдэг уулын овоохойн орчим шөнө авчээ.
Фото: Roberto Marchegiani
Роберто Маркежиани зургийг авахдаа камераа урт хугацааны нээлттэйгээр хийсэн ба энэ нуур Луизиана мужид байдаг.
Фото: Mads Peter
Хойд туйлын туяа зургийг Мадс Петер Иверсен Норвегийн Лофотен аралд авчээ.
Фото: Veselin Atanasov
Уралдаанд ялагч болгар Веселин Атанасов ярихдаа: "Би энэ зургийг 2017 онд Тоскана мужид хийлээ. Миний аппаратад 70-200 миллиметрийн дуран тавигдсан байсан ба би нар жаргаж байсан болохоор гар дээрээс хэдэн удаа зураг дараад дараа тэднийг нэгтгэсэн” гэв.
Фото: Alessandro Cantarelli
Исландын байгалийн зургийн эзэн Алессандро Кантарелли сонирхогчдын ангилалд өрсөлдсөн байв.
Фото: Colin Sillerud
“Дижитал урлаг” ангилалд ялагч америк Колин Силлеруд кадраа Их каньон хавцалд аянга бууж байхад хийжээ. Зохион байгуулагчид энэ ангиллыг орчин цагийн дижитал зургийн урлагт олгохоор нэмсэн байна.
Фото: Dylan Toh
Дилан То Тасманы арлын Оберон нуурын панорамын зургийг хийсэн байв. Зургийг “Задгай пейзаж” ангилалд дэвшүүлжээ.
Фото: Nathaniel Merz
Сонирхогчдын ангилалд ялсан зургийг Өмнөд Солонгосын Натаниэль Мерц хийжээ. “Би бонсай бичил модыг санагдуулах хушинд дуртай боллоо. Энэ мод ямар ч цаг агаарт нэн ялангуяа өвөл их сайхан харагддаг” хэмээн тэр ярьжээ.
Фото: Dylan Toh
“Будагдсан цөл” кадрыг Дилан То давхардуулан ирүүлсэн байв. Өнгийг тодруун гаргах цаг нь нар жаргах үе аж.
Фото: Marcio Cabral
Марсиу Кабрал Бразилийн Бониту мужийн Анумаш Абисс гэх газар усан доорхи зургаа авчээ.
Фото: David Thompson
“Задгай пейзаж” ангилалд манан дундах модны зургаа АНУ-аас Дэвид Томпсон ирүүлсэн байв.
Фото: Tom Putt
Австралиийн Том Патт “Галт гол” гэх исландын байгалийн зургаар Кэролайн Митчумын нэрэмжит шагналыг нь хүртлээ.
Фото: Kelvin Yuen
“Үүлэн давалгаа” зургийг Тайванийн аралд Кельвин Юэнь хийсэн ба зураг сонирхогчдын ангиллын нэгдүгээр байрт шалгарчээ.
Фото: Albert Dros
Альберт Дросын зурагт буулгасан Нидерланд дахь хонгор зул цэцгийн хивс.
М.Цогт
