Японы Nissan Motor автоконцерны Захирлуудын зөвлөл санал нэгтэйгээр Карлос Гоныг даргын тушаалаас нь огцруулсан билээ.

Залилангийн хэрэгт сэжиглэгдэн баривчлагдсан Ниссан автоконцернын  тэргүүн Карлос Гоныг 10 жилээр хоригдох ял ба 10 сая иенийн (бараг $89 мянган доллар) торгууль хүлээж байна. Mitsubishi Motors ба Renault хоёрыг толгойлж байсан Гон нь Reuters агентлагийн судалгааны дагуу дэлхийн автомобилийн компаниудын  хамгийн өндөр шан хөлстэй тэргүүн нарын нэг байлаа. 

Сүүлчийн санхүүгийн жилд автомобилийн компаниудын топ-менежерүүдэд тогтоогдсон нөхвөрийн багцын тухай дор өгүүлнэ.

Мери Барра - $21,96сая

General Motors компанийн гүйцэтгэх захирал

Нөхвөрийн багцад нь цалингийн $2,1сая, үйлдвэрийн ажилтны хувьцааны төлбөрийн $10,7 сая, бусад төрлийн нөхвөр ба шагналын  $4,96 сая, өөр бусад нэмэлт нөхвөрийн $4,2 сая багтаж байна. 

Карлос Гон - $16,9сая

Энд Renault компаниас $8,4 сая, Nissan компаниас $6,5 сая, Mitsubishi компаниас $2 сая багтжээ. 

Жим Хэккет - $16,7 сая

Ford Motor Co компанийн тэргүүн

Нөхвөрийн багцад цалин $1,34 сая, үйлдвэрийн ажилтны хувьцааны төлбөрийн $10,37 сая, бусад төрлийн нөхвөр ба шагналын $4,6 сая, өөр бусад нэмэлт нөхвөрийн $0,42 сая багтаж байна. 

Билл Форд - $15,6сая

Ford компанийн захирлуудын зөвлөлийн дарга

Нөхвөр нь цалингийн  $1,65сая, үйлдвэрийн ажилтны хувьцааны төлбөрийн $10,27 сая, бусад төрлийн нөхвөр ба шагналын $1 сая дээр нь нэмэлт нөхвөрийн $2,71 саяас бүрэлджээ.

Дитер Цетше - $9,8сая

Daimler Chrysler компанийн тэргүүн

Нөхвөрийн багцад цалин $2,29 сая, үйлдвэрийн ажилтны хувьцааны төлбөрийн $3 сая, бусад төрлийн нөхвөр ба шагналын $4,5 сая багтаж байна. 

Харальд Крюгер - $9,5 сая

BMW компанийн тэргүүн

Нөхвөрийн багцад цалин $1,71 сая, үйлдвэрийн ажилтны хувьцааны төлбөрийн $0,2 сая, бусад төрлийн нөхвөр ба шагналын $7,6 сая, нэмэлт нөхвөрийн $0,02 сая багтаж байна. 

Дэн Амман - $9,3 сая

General Motors компанийн тэргүүн

Нөхвөрийн багц нь цалингийн $1,45 сая, үйлдвэрийн ажилтны хувьцааны төлбөрийн $4,1 сая, бусад төрлийн нөхвөр ба шагналын $1,6 сая, жил тутмын нэмэлт $2,1 долларын олголт зэргээс бүрджээ.

Илон Маск-боломжит нөхвөр $2,6 тэрбум доллар

Tesla Inc компанийн тэргүүн

Хувьцаа эзэмшигчид нь нөхвөрийн хэмжээг нь тогтоосон ба тэр нь $2,6 тэрбум хүрч магадгүй. Түүнд нь цалин, шагнал байхгүй ба  компанийн ойрын  10 жилд $650 тэрбум хүрэх зах зээлийн үнэлгээн суурилагдан тогтоогдсон байна гэж Reuters мэдээлэв. 

Чон Монгу - $4 сая

Hyundai Motor компанийн тэргүүн

Чон Монгу нь Солонгосын "Хёндэ Мотор Групп" ба "Хёндэ Мотор" гэсэн авто үйлдвэрлэгчийн тэргүүн бөгөөд үйлдвэрийн эзэн. 

"Хёндэ Мотор Групп" нь 42 охин компаниудаас бүрэлддэг ба Солонгосдоо хоёр дахь том концерн юм. "Хёндэ Групп" концерныг үүсгэн байгуулсан эцэг Чон Чуёныг залгамжлан Чон Монгу гарч ирсэн ба эцгийнхээ амьд үлдсэн найман хүүхдийн ах нь гэнэ.

М.ЦОГТ