Шиньженийн Өмнөдийн шинжлэх ухаан технологийн их сургуулийн судлаач Хэ Жианкуй энэ сард Хятадад төрсөн ихрүүдийн ДНК-ыг засварласан ажилд оролцсноо өгүүлжээ. Мэргэжилтний хэлснээр долоон хосын үр хөврөлийн геномыг өөрчлөн редакторласан байна. Тэднээс зөвхөн нэг эмэгтэй л төрсөн талаар мэдэгджээ.
Геномыг засварласан нь удамшлын өвчний эсрэг биш харин хүүхдэд ДОХ-ын эсрэг зогсох чадварыг нь нэмэгдүүлж өгсөн гэнэ. Мэргэжилтнүүд дархлал хомсдлын вирусыг эсэд нэвтрүүлдэг CCR5 генд засвар хийжээ. Үүний үр дүнд шинэ төрсөн ихэр охидын нэг нь засварлагдсан хоёр хувилбартай болсон ба тэр нь ДОХ-ын халдварыг авахгүй чадвартай болсон гэсэн үг аж.
Хоёр дах охин нь зөвхөн нэг засвартай хувилбартай гэнэ. Дэлхийд анхных болох генийн засвартай охидын нэр болон бусад мэдээллийг нууцалж байна. Мөн яг ийм засал явагдсан эсэх нь бас батлагдаагүй байна гэжээ. Бүх зүйл туршилтын түвшинд явагдаж байгаа аж.
Эрдэмтний ярилцлагыг зөвхөн Associated Press агентлаг л авч дамжуулсан байна. Түүний яриатай танилцсан мэргэжилтнүүд ийм засал хүүхдийн ирээдүйн эрүүл мэндэд ямар нөлөөтэй нь тогтоогдоогүй, ёс суртахууны асуудалтай гэж хэлж байна.
М.Цогт
