Улаанбаатар хотыг хөгжүүлэх 24 мега төслийн хүрээнд багтсан Туул усан цогцолборыг 2025-2032 оны хооронд барихаар төлөвлөжээ. Уг цогцолборыг нийслэлийн 5569 ам.метр талбайд барьж, Туул болон Тэрэлж голын урсац дээр тохируулгын далан байгуулах замаар гадаргын ус ашиглах боломжийг бүрдүүлэх юм.

Өнөөдрийн байдлаар Улаанбаатар хотын ундны усны хэрэглээний 100 хувийг газрын гүний усаар хангаж байгаа бөгөөд хоногт 185-225 мянган метр куб ус хэрэглэдэг. Харин 2040 он гэхэд энэ хэмжээ 772,450 метр куб болж өсөхөөр байгаа тул гадаргын усыг ашиглах шаардлага урган гарч байна.

Туул усан цогцолбор дараах үзүүлэлттэй байна:

• Ус хуримтлуулах хүчин чадал: 50-100 сая метр куб

• Далангийн урт: 685.15 метр

• Далангийн өндөр: 35.8 метр

• Хурдсын гүн: 19.84 метр

Цогцолборыг байгуулах гол зорилго нь:

• Нийслэл хотыг үерийн эрсдэлээс хамгаалах

• Ундны усны найдвартай эх үүсвэр бүрдүүлэх

• Туул голын экологийн тэнцвэрт байдлыг хангах

• Цахилгаан эрчим хүч үйлдвэрлэх

Өнөөдрийн байдлаар боомтын хөндлүүрийн 3-4 хувилбарыг урьдчилсан байдлаар сонгосон бөгөөд нарийвчилсан зураг төслийн ажил үргэлжилж байна.

Эх сурвалж: Нийслэлийн Засаг даргын Тамгын газар.