Пакистаны Карачи хот дахь Хятадын Консулын газарт халдлага гарснаас хоёр цагдаа амиа алджээ. Орон нутгийн телевизийн мэдээлснээр бас өөр нэг хүн шархадсан байна. Тэрбээр маш хүнд байдалтай эмнэлэгт хүргэгджээ.
“3-4 этгээд Хятадын Консулын газарт нэвтрэхийг завдаж, хамгаалагчидтай тулгарах үедээ гал нээсэн” талаар эх сурвалжууд ярьжээ. Карачийн цагдаа нар халдлага үйлдэхийг завдсан этгээдүүдийг устгасан гэж мэдээлж байна. Дипломатчид болон Ерөнхий консулын газрын бусад ажилтан хэлмэгдээгүй байна.
Мөн цагдаа нар Хятадын дипломат төлөөлөгчийн газрын ойр орчимд харуул хамгаалалтаа чангатгажээ. Сүүлд ирсэн мэдээгээр халдлагыг “Белужистаныг чөлөөлөх арми” хэмээх салан тусгаарлагчдын бүлэглэл зохион байгуулснаа мэдэгдсэн байна.
Пакистаны Гадаад яамны албан ёсны төлөөлөгч Мохаммад Фейсал энэ халдлагыг зэмлэн буруушаагаад Хятадын бүх иргэд аюулгүй байгаа гэж мэдэгджээ.
