АНУ-ын өрхийн зээлийн нийт хэмжээ 2018 оны гуравдугаар улиралд 1,6%-иар буюу $219 тэрбумаар нэмэгдэн түүхэн дээд хэмжээ болох $13,5 их наяд доллар боллоо гэж Нью-Йоркийн Холбооны нөөцийн банкны тайланд өгүүлжээ.

Энэ нь 2017 оноос хойших хамгийн дээд хэмжээ болсон бөгөөд Америкчуудын зээл нь хямралын өмнөх төвшнөөс авсан ба үл хөдлөх хөрөнгийн зээл нэмэгдэж байгаатай холбоотойгоор 17 улирал дараалан өсч байна.

АНУ-ын хүн амын зээлийн хэмжээ нь ДНБ-ний 65 хувиас давсан ба тогтвортой өсөлттэй байна. Хугацааг сунгасан  зээлийн нийт хэмжээ II улирлын сүүлчээр 4,7%-аар нэмэгдсэн нь сүүлийн долоон жилийн хамгийн өндөр үзүүлэлт болжээ. Нэн түрүүнд оюутны сунгасан зээл 37 тэрбумаар нэмэгдэн одоо нийт хэмжээ нь $1,44 их наяд доллар болжээ. 

Мөн түүнчлэн III улиралд авто машин худалдан авахаар зээл аваад төлөгдөөгүй байгаа хэмжээ нь $1,24 их наяд болсон ба өсөлт нь улиралд 9 тэрбумаар нэмэгджээ. 

Иргэдийн ипотекийн зээл зургаадугаар сарын сүүлчээр $9,14 их наяд хүрсэн ба ипотекийн зээлийн  хүү нь 2013 онд 3,4%-иас 4,6% хүртэл нэмэгдсэн байсан юм.

Зээлийн картын өр америкчуудын хувьд $15 тэрбумаар нэмэгдээд одоо $844 тэрбум хүрээд байгаа аж.

М.Цогт