Малайзийн Ерөнхий сайд Махатхир Мохамад мэдэгдэхдээ, тус орны засаг захиргаа 1Malaysia Development Berhad /1MDB/ гэх бие даасан хөрөнгө оруулалтын сантай хуйвалдсан гэж Америкийн хөрөнгө оруулалттай Goldman Sachs банкинд мөрдөн байцаалт явуулж эхэлсэн гэлээ.

1MDB сантай хуйвалдан залилан хийсэн хэргээр Goldman Sachs банкыг шалгах явцад уг банкинд комплаенс-хяналт “сайн ажилладаггүйг” харуулсан ба Goldman Sachs банкны ажилтнууд “Малайзаас хулгайлахад” тусалсан гэж Махатхир Мохамад CNBC телевизид ярилцлага өгөхдөө хэлжээ. 

-1MDB сангийн ажиллагаанд Goldman Sachs оролцсон, Америкийн банк сангийн облигацийг байрлуулахад оролцсон,  Goldman Sachs банкны ажилтан асан Тим Лейснер сангийн үнэт цаасыг байрлуулахдаа мөнгө угаах хуйвалдаанд оролцсон гэж мэдүүлсэн байгаа. Малайзид  үйл ажиллагаа явуулах нь Goldman Sachs банкинд хориотой болон банк танай оронд "персона нон грата" болж байгаа юм уу?

-Бид үүнийг анхаарч байгаа. Хийж болохгүй зүйлийг Goldman Sachs хийсэн гэх баталгаа байгаа юм шиг байна. Бид энэ хэргээр явуулсан мөрдөн байцаалтын бүх материалыг авахыг хүсч байгаа. Мөн бид Goldman Sachs банкны ажилтан асан Лейснерийн эсрэг арга хэмжээг ч авах болно. 

-Энэ хэрэг явдал Goldman Sachs банкны зүгээс комплаенс-хяналтыг сахисан эсэх талаар юу  хэлж байна вэ?

-Энэ банкны дотоодын хяналт сайн ажилладаггүйг энэ хэрэг харууллаа. 

-Малайзи хохирлоо Goldman Sachs банкнаас гаргуулахаар хөөцөлдөж байгаа юу? Энэ тохиолдолд аль хир хэмжээний мөнгөний талаар яригдаж байгаа вэ, ноён Ерөнхий сайд аа?

-Би мөнгөний яг тодорхой хэмжээг мэдэхгүй. Гэхдээ, Goldman Sachs банкны ажилтнууд Малайзаас хулгайлахад тусласан нь илт.

Хэд хоногийн өмнө Малайзийн Сангийн сайд Лим Гуан Энг “1MDB сангаас төлсөн бүх мөнгийг Goldman Sachs банкнаас гаргуулахаар хөөцөлдөнө” гэсэн юм. Malaysiakini мэдээлэхдээ энд $588 сая долларын тухай яригдаж байна. 1MDB сангийн  $6 тэрбум долларын облигацийг 2012, 2013 онуудад байрлуулах хүрээнд уг мөнгийг Goldman Sachs банкинд шилжүүлсэн байжээ.

Арваннэгдүгээр сарын 13-нд  сэтгүүлч нарт Сангийн сайд ярихдаа, сангийн үнэт цаасыг байрлуулах  явцад банкинд төлсөн мөнгөний хүүгийн ялгааг  манай засаг захиргаа авахаар шаардаж байгаа. Үнэт цаас байрлуулсаны үйлчилгээний зардал болгон төлсөн  мөнгө нь нь зах зээлийн ханшнаас 100 суурь пунктаар дээгүүр байсан гэж сайд хэлсэн юм.

М.Цогт