УИХ-ын гишүүд Засгийн газрыг огцруулах, эсэх асуудлаар өөр өөр байр суурь илэрхийлж байна. Энэ  талаар УИХ-ын гишүүн Б.Пүрэвдоржийн байр суурийг тодрууллаа.

Б.Пүрэвдорж:

-Засгийн  газрыг огцруулах, эсэх ньэрх барьж байгаа МАН-ын дотоодын асуудал. Гэхдээ огцруулах, эсэх асуудлаар гарын үсэг зураад, хэлэлцүүлэхээр болоод орж ирвэл би хувьдаа дэмжихэд бэлэн. Засгийн газрын гишүүд нь Жижиг дунд үйлдвэрийг хөгжүүлэх сангийн зээлийг авсан гэхчлэн хууль бус асуудалд хангалттай холбогдлоо. Хариуцлага тооцоход болохгүй юм байхгүй.

Жижиг дунд үйлдвэрийг хөгжүүлэх зорилгоор үйлдвэрлэгчдэд олгож байгаа хөнгөлөлттэй зээлийн хэмжээ дээд тал нь 20-30 сая төгрөгт эргэлдэж байхад иргэдийн иргэдийн энэ өчүүхэн боломжийг хулгайлж,  өөрсдөө  2-3 тэрбумаар нь хуваагаад авна гэдэг дэндүү ёс зүйгүй үйлдэл.  Засгийн газар ажил хийсэн, хийгээгүй гэж ярихаас илүү ЖДҮ-ийн зээлийн асуудал Засгийн газрыг огцруулах хангалттай үндэслэл болно. Тэгээд ч У.Хүрэлсүхийн толгойлсон Засгийн газар өнгөрсөн хугацаанд өмнөх Засгийн газраас илүү, дорвитой юу хийсэн бэ? Харагдахгүй л байна. Манай намын бүлгийн бусад гишүүд ч бас надтай адилхан байр суурьтай байгаа болов уу.