x

Хотын даргаар эрүүгийн цагдаа хийлгэе гэсэн ч боловсрол нь хүрэхгүй

Хууль зүй, дотоод хэргийн сайд асан, Хотын дарга Х.Нямбаатар өчигдөр өөрийн пэйж хуудсаар дамжуулан нэгэн сүржин “мэдэгдэл” хийжээ. Тэр “Газрын наймаачдын захиалгаар галзуу лайвчин гарч ирээд метрог эсэргүүцэж байна. Эд намайг мохооно гэж байхгүй. Маргааш гэхэд нээлттэй тендерээ зарлана” гэв. Иргэд харин энэ нөхрийн хэлж байгаа үг, хийж байгаа үйлдэл бүрийг нь гайхаж цөхсөөр...

Ер нь бол Э.Бат-Үүлийн үед анх санаачилсан метроны төслийг МАН-ынхан гарч ирээд буцааж, нураасан нь үнэн. Үүнд иргэдийн болон Хотын даргын хэлснээр “Монгол Улс хөгжчих вий, дээшлээд дэвжчих вий гэсэн атгаг санаатнууд, элдэв эрх ашиг нь хөндөгдсөн хулгайч нарын” ямар ч оролцоо байгаагүй. Оролцоо байсан бол оройлсон хүн нь эрх баригч МАН өөрөө болж байгаа юм. Х.Нямбаатар тэр үед УИХ-ын гишүүн байсан хүн, мэдээгүй өнгөрсөн гэж худлаа. Метро шиг хэрэггүй юм Монголд байхгүй, мянгуужингийн үлгэр энэ тэр гэж гутааж байсан нь хэн билээ дээ.  Одоо гэтэл өнөөдөр төрсөн хүүхэд шиг гэнэн гэнэн үг яриад, “Метро барихгүй бол Монгол Улс сүйрлээ” гэж байгаа нь ч хэн билээ.

Тодорхой хэлбэл, МАН эрх барьсан найман жилд метро байтугай барих хугацаа байсныг иргэд бас гадарлахтайгаа. Гэтэл бүтэн найман жил хий эргэсэн МАН сонгууль хаяанд ирсэн, эрх мэдлээ эргүүлэн тушаах хугацаа тулсан ийм  мөчид гэнэт “гэгээ орсон” нь иргэдийг гайхах, эгдүүцэхэд хүргээд байгаа. Хамгийн наад зах нь “Наад метро чинь цахилгаан хэрэглэдэг юм байгаа биз дээ, эх үүсвэр нь хаана байна? Хойд хөршөөсөө цахилгааны хязгаарлалттай, хотоороо лаа асааж байж яаж метро явуулах гээд байгаа юм бэ?” гэсэн иргэдийн асуултад хариулт байхгүй. Тэгж яривал Э.Бат-Үүлийг “Жайка”-гаар метроны ТЭЗҮ хийлгэж байх үед монголчууд, Монголын Засгийн газар 5-р цахилгаан станцынхаа шавыг тавьчихсан, Тавантолгойн цахилгаан станцын гүйцэтгэгчийг шалгаруулчихсан байсан юм  шүү дээ. Гэтэл МАН гарч ирээд бүгдийг нь нураасан. Станц барих төсөл, олон улсын гэрээн дээр ажиллаж байсан бүх хүмүүсийг барьж шоронд хийсэн. Одоо тэгээд Сангийн сайд, Эрчим хүчний сайд нар нь байн байн Орос руу гүйж “Хязгаарлалтаа болиоч ээ” гэж гуйдаг ажилтай. МАН-ын өөрийнх нь л хийсэн сонголт шүү дээ.

Ийм улсад, ийм эрх баригч намд иргэд итгэж “Метро бариад өг өө” гэж хошуу цорвойх уу? Үгүй л болов уу.

“Жайка” метроны төслийг хийж байх үеийг бодвол Улаанбаатар хотын эдийн засгийг чадамж сайжирсан. Санхүүжилтыг хот өөрөө шийднэ гэнэ ээ. Тэгвэл тэр чадамжаараа яагаад иргэдээ хөл дүүжлэх унаатай болгож, цас мөсөө арилгахгүй, өвлийн хүйтэнд мөсөн зам дээр гурван сар зогсоосон юм бэ.

Энэ өвөл иргэдийн зүгээс Хотын даргад тавьсан ганцхан шаардлага байсан. Автобустай болгоод өгөөч, халтиргаа гулгаагаа арилгаач, түгжрэлийг бууруулаач гэдэг. Гэтэл Х.Нямбаатар яасан билээ, хүйтний эрч нэмэгдсэн гэдгээр шалтаглан цэцэрлэг сургуулиудыг хоёр сар завсарлуулсан, автомашиныг тэгш сондгойгоор явуулсан. Дүн өвлийн хүйтэнд "автобусны марштрут өөрчилж байна" гээд нийслэлчүүдийг бүтэн сар явган гүйлгэсэн. Маршрутын өөрчлөлтөөр гарч ирсэн шинэ чиглэлүүдийн зарим нь одоо ч хоосон эргэж, бусад нь хүнээ багтаахгүй зугтаж байгаа.

Шинээр худалдаж авсан 600 автобусны 500 нь хаана байна? Ногоон автобусны хэрэг, УИХ-ын нээлттэй сонсгол юу болов?

Энэ мэтээр хоолойд тулчихаад байгаа өмнөх ажлаа хийж чадахгүй байгаа хүнд 5-10 жилээр баригдах метроны том төслийг итгэж даатгадаггүй юм аа, Х.Нямбаатар аа. Тиймээс хотын дарга хэрвээ уур бухимдлаа гаргамаар байгаа бол эхлээд өмнө хийсэн ажлаа эргээд нэг харчих, үсэрсэн шүлс нь хатаагүй байна. Тэгсний дараа нь иргэд рүү шүлсээ үсчүүл.

Ер нь бол анх Э.Бат-Үүл “Метро барина” гэж байх үед ч иргэдийн зүгээс “Манайх шиг жижиг хотод таарна, таарахгүй. Эдийн засгийн хувьд ашигтай, ашиггүй” тухай байнга л маргаж байсан. Тухайн үед эрх барьж байсан нам улс төрийн шийдвэрээ гаргаад явсан, төслийг эхлүүсэн. Атал өнөөдөр АН-ын даргын томилсон (нийслэлчүүд сонгоогүй шүү) хотын дарга “Хулгайч нар намайг эсэргүүцлээ” гээд, үг хэлсэн хүн бүр лүү агсарч, адгаж, хэрэг тулгаж байгааг гайхаад барахгүй. Алх барьсан хүнд хүн болгон хадаас шиг харагддаг гэж үнэн бололтой. Ардын намын үед зөвхөн иргэд л буруутай болдог. Ингэж их асч, агсарч байгаа шалтгаан нь цаанаа “Метро бариагүй ялыг хэнд үүрүүлэх вэ” гэдэг арга саам л хайж байгаа бололтой.

Ийм итгэл үнэмшлээр тийм том төслийг хөдөлгөж чадахгүй ээ, Х.Нямбаатар аа. Хүн бас хэмжээгээ мэддэг байх ёстой. Эцсийн эцэст П.Наранбаяр төлөөлөгчийн хэлдэг үг ч үнэн шүү дээ. "Чам шиг юм хот удирдана гэж байхгүй. Чаддаг ажлаа, эрүүгийн цагдаагаа хий” гэж. Тэрийгээ ч хийж чадахгүй шүү дээ. Боловсролгүй, чадваргүй болгон цэрэг, цагдаа хийдэг ч юм биш...

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

  • Зочин (172.69.45.138)
    Тиймээ
    2024 оны 02 сарын 28 | Хариулах
  • Явган хэрүүл бичих юм. Тооцоо баримт түшиглэж бичиж бай. (172.68.144.155)
    Мөнх
    2024 оны 02 сарын 27 | Хариулах
iШинэ мэдээ
GUYUK metaverse дээр SocialPay Junior аппликэйшний эвент эхэллээ Өчигдөр 16 цаг 23 мин Цасан болон шороон шуурга шуурахыг анхааруулж байна Өчигдөр 15 цаг 15 мин Тицианы хулгайлагдсан зургийг дуудлага худалдаанд тавьжээ Өчигдөр 12 цаг 14 мин С.Мөнгөнзаяа: Дотуур байрын унтлагын өрөөнд камер сурилуулсан ноцтой зөрчил илэрсэн Өчигдөр 10 цаг 22 мин Бэлчээрийн ургамал нийт нутгийн 70 гаруй хувьд цухуйгаагүй байна Өчигдөр 09 цаг 47 мин УЕПГ: 14 настай хүүхдийг УИХ-ын гишүүн хүчирхийлсэн гэх хэрэг мөрдөх байгууллагад бүртгэгдээгүй Өчигдөр 09 цаг 23 мин "Булевиртид" эмийг НӨАТ болон Гаалийн албан татвараас чөлөөлөх тухай хуулийн төслүүдийг өргөн мэдүүллээ Өчигдөр 08 цаг 54 мин Иргэд, тээвэрчдийн анхааралд! Өчигдөр 08 цаг 36 мин Нойтон цас орж, цасан шуурга шуурна Өчигдөр 08 цаг 18 мин “Орхон” их сургуулиас 115 дугаар сургууль хүртэлх авто замын ажлыг эхлүүллээ Уржигдар 09 цаг 58 мин Цаг агаарын аюултай үзэгдлээс сэрэмжлүүлж байна! Уржигдар 09 цаг 44 мин Л.Болдхүү: Хувь хүний мэдээллийг зөвшөөрөлгүй ашигласан, тараасан тохиолдолд торгох, зорчих эрх хасах, хорих ялтай Уржигдар 09 цаг 33 мин Отгон чуулганаар хэлэлцэн батлагдаж магадгүй хуулийн төслүүд Уржигдар 09 цаг 23 мин Г.Анхныбаяр: Улсын бүртгэлийн үйлчилгээг харьяалал харгалзахгүй, хүртээмжтэй үзүүлдэг болсон Уржигдар 09 цаг 09 мин Эргүүлээр ажиллаж байхдаа шар өвс, гэр шатаж байсныг унтраажээ Уржигдар 08 цаг 52 мин Ашигт малтмалын тухай хуульд нэмэлт, өөрчлөлт оруулах тухай хуулийн төслийг өргөн мэдүүллээ Уржигдар 08 цаг 34 мин БОАЖЯ-аас олгосон бүх газрыг нийслэлийн мэдэлд шилжүүлж, тусгай хамгаалалтаас гаргана 2024-04-11 Их хэмжээний сум, галт зэвсэг тээвэрлэж явсан иргэнийг саатуулжээ 2024-04-11 Х.Болорчулуун: Тойргийн гишүүд жагсаалтын гишүүдээс илүү хугацаагаар үг хэлэх ёстой 2024-04-11 Хувьцааны ногдол ашгаа аваагүй иргэд брокерын компанидаа хандахыг зөвлөлөө 2024-04-11
iИх уншсан
"Буруу эрхэлсэн хүүхэд бухын хүзүүнээс хатуу" буюу Хотын дар... “Сүнстэй байшин”-гийн хэрэг-1 Л.Болдхүү: Хувь хүний мэдээллийг зөвшөөрөлгүй ашигласан, тар... Б.Наранбат: СӨХ-ны төлбөрөө төлөөгүй бол Монголбанкны хар жа... З.Энхболд: Таван толгойн ногдол ашиг ба есөн жилийн ой Л.Оюун-Эрдэнэ: "МАНАН"-тай тэмцээд МАНГАС болов Зөвлөлтийн КГБ (​Оросын ФСБ) гадагш хийх суртал нэвтрүүлэг М.Чимэддорж: Бүрэн эрх нь дуусч байгаа УИХ засаглалаар оролд... “СССР 100” явж явж гаатай бохь, жинсэнд сөхрөөд уначихсан С.Наранцогт: Үндэсний баялгийн сангийн хууль батлагдсанаар с... Төсөв дээр гар татсаны хариу гал сөнөөгчдийн алтан амиар төл... Өсвөр насны охид бүлэглэн нэгийгээ зоджээ Ц.Элбэгдорж: Миний нэр бол чиний Bible... Бурханч лам Г.Пүрэвбат таалал төгсчээ Дэлхийн хамгийн өндөр настай иргэн өөд болжээ Д.Ганбат: Төрийн ордонд учир битүүлгээр амиа алдсан Г.Батхүү... Увс, Завхан, Архангайн нутгаар цасан шуурга шуурч, байгалийн... “Миний дэлгүүр"-ийн агуулахад гарсан галыг унтраахаар ажилла... ЦЕГ: 8-ны өдөр хичээлдээ явахаар гараад сураггүй болсон 13 н... Сайд асан Д.Сарангэрэл, Т.Мөнхсайхан, А.Ариунзаяа, сайд Ч.Хү...
Top