x

Атрын IV аяны 400 тэрбумыг Хөгжлийн банкнаас л хол байлгаасай

Өнгөрөгч долоо хоногт болсон Засгийн газрын ээлжит хуралдаанаас Атрын IV аяныг эхлүүлэхээр зарлалаа. Аяныг санхүүжүүлэх хөнгөлөлттэй зээлийн дүн 400 тэрбум төгрөг.

Үнэн хэрэгтээ уг аяныг анх зарласан нь 2019 оны арван хоёрдугаар сар. Одоогийн Ерөнхийлөгч У.Хүрэлсүхийг Ерөнхий сайд байх үед буюу 2019 оны арванхоёрдугаар сарын 25-нд Засгийн газрын 476-р тортоолыг баталж, "Атар-4 тариалангийн тогтвортой хөгжлийн аян"-ыг 2020 оны нэгдүгээр сарын 1-ний өдрөөс эхлэн орон даяар зарлан хэрэгжүүлэх, аяныг улсын хэмжээнд удирдан зохион байгуулах зөвлөлийг Ерөнхий сайдын захирамжаар байгуулахаар тогтсон байдаг юм. Аяныг хэрэгжүүлэх төлөвлөгөөний төслийг мөн оны нэгдүгээр сард багтаан Засгийн газарт танилцуулах, үйл ажиллагааны зардлыг батлагдсан төсөвтөө багтаан хэрэгжүүлж ажиллахыг Хүнс, хөдөө аж ахуй, хөнгөн үйлдвэрийн сайд Ч.Улаанд үүрэг болгожээ.

Нэг талаас 2020 оны УИХ-ын сонгуулийг угтаж, нөгөө талаас дэлхий нийтээр аюулын харанга дэлдсэн ковид-19 халдварын дэгдэлттэй зэрэгцэж зарлагдсан Атрын IV аян тэгсгээд мартагдсан бололтой. 

Ковидын хоёр жилд хойш тавигдаад байсан энэ сэдвийг Л.Оюун-Эрдэнийн засгийн газар дахин онилов. Нийт 400 тэрбум төгрөгийн хөнгөлөлттэй зээлийг хөдөө аж ахуйн салбарт оруулна. Газар тариалангийн салбарт 100 тэрбум, төмс, хүнсний ногоонд 50 тэрбумыг зарцуулна. Хөнгөлөлттэй зээлийн хүүгийн зөрүүг Засгийн газар төлнө гэв. 

Түүхээс үзвэл Монгол Улс өнгөрсөн зуунтай нийлээд дөрөв дэх удаагаа атар эзэмших аяныг зохион байгуулж байна. Атар газар эзэмших анхны том аяныг 1959 оны гуравдугаар сард МАХН-ын Төв Хорооны III бүгд хурлаас зарлаж, хоёр дахь аяныг 1976 оноос өрнүүлжээ. Нэг намын системтэй байсан тэр үед атрын анхны аянуудыг тухайн үеийн МАХН-ын удирдлагаар МХЗЭ /Монголын Хувьсгалт Залуучуудын Эвлэл/ гардан зохион байгуулж, залуучуудыг уриалан дуудаж, шинээр байгуулагдсан САА-нуудыг шефлэн ажиллаж байв.

Атрын хоёр дахь аянаас 30 гаруй жилийн дараа атрын III аяныг 2008 оны хавар С.Баярын Засгийн газар эхлүүлэв. Аяны зорилго нь хөрсний үржил шимийг хамгаалж, нөхөн сэргээх, үр сортын болон техник технологийн шинэчлэлийг эрчимжүүлж, импортыг орлох, экспортын чиг баримжаатай газар тариалангийн тогтвортой хөгжлийг хангахад чиглэж байв. Нэг ёсондоо социализмын жилүүдээс хойш хөсөр хаягдаад, хувийн хэвшлийн нуруун дээр чадан ядан явж ирсэн газар тариалангийн салбарт “апдейт” хийх, атаршиж хаягдсан талбайнуудыг нөхөн сэргээх, газар тариаланд техник технологийн шинэчлэл хийхийг зорилгоо болгосон хэрэг. Аян эхэлснээс хойш гурван жилийн дараа тариалалтын хэмжээ дөрөв дахин нэмэгдсэн тухай мэдээлж байв. Үр дүнд нь монголчууд ямартай ч гурил, төмснийхөө хэрэгцээг дотоодоосоо хангаад байдаг болсон юм. Үүнээс хойш дахиад арав гаруй жил өнгөрчээ

Ялангуяа сүүлийн хоёр жилд ковидын улмаас тавигдсан хилийн хориг, хорио цээрийн дэглэмээс болж үйлдвэрлэлийн бүхий л салбар уналтад орж, санхүүгийн хувьд тогтворгүй болсны дотор хөдөө аж ахуй, газар тариалангийн үйлдвэрлэл ч багтана. Угаасаа улирлын чанартай энэ салбарт төрөөс дэмжлэг үзүүлэхгүйгээр эргэж хөл дээрээ босоход бэрхшээлтэй болсон нь ойлгомжтой. 

Гэвч аяны хүрээнд амлаад байгаа хөнгөлөлттэй зээлийг хөрөнгийг хэн хэрхэн хуваарилах, зарцуулах вэ? гэдэг дахиад л толгойн өвчин болж мэднэ. Өмнөх бэлээхэн туршлагууд ч бий. Тариалан эрхлэх сан, Мал хамгаалах сан, ЖДҮХС гээд төрийн нэртэй бүх сангууд авилга, ашиг сонирхлын зөрчлийн улмаас гэмт хэргийн үүр уурхай болон дампуурсан. Төр мөнгө захиран зарцуулж болдоггүйн хамгийн сүүлийн, хамгийн тод жишээ Хөгжлийн банк байна. 

Хамгийн зөв бөгөөд хялбар арга зам нь зээлийг арилжааны банкуудаар дамжуулан олгох. Жилийн 3 хувийн хүүтэй гаргах хөнгөлөлттэй зээлийн хүүгийн зөрүүг /7,5 хувь/ Засгийн газар төлнө гэснээс үзвэл анхны шийдлүүд нь хийгдээд явж байгаа юм шиг байна. Жилийн 7,5 хувийн ашиг гэдэг арилжааны банкуудад бараг л “тэнгэрийн умдаг”, уралдаад л гаргана. /Банкуудын гаргаж буй зээлийн хүү дунджаар 14,4 хувь, хадгаламжийн хүү 7,6 хувь. Хамгийн ихдээ 7.0 хувийн ашиг олдог гэсэн үг/.

Угаасаа газар тариалан, хүнсний ногоо, хүлэмжийн аж ахуй эрхэлж байгаа компаниуд дотор зээлийн түүхгүй компани гэж нэг ч байхгүй. Тийм болохоор өмнө зээл авч, харьцаж байсан банкуудаар нь дамжуулаад зээл олгоход ямар ч бэрхшээл гарахгүй. Зээлийн эрсдэл болоод эргэн төлөлтийг банк өрөө хариуцна гэсэн үг. Тэгэхгүйгээр төрийн нэртэй дахиад нэг сан байгуулаад, эсвэл төрийн оролцоотой банкаар зээлийг дамжуулна гэвэл урьд гаргасан алдаагаа давхин давтахаас өөр зүггүй. Хашир хүн гэж хаширсан хүнийг хэлдэг гэдэг дээ.

Өмнө хэлсэнчлэн өнгөрсөн үед зохион байгуулсан атрын аян болгон өөр өөрийн онцлог, өмнөө тавьсан зорилттой байсан. Тэгвэл Атрын IV аяны хамгийн гол зорилт нь магадгүй санхүүгийн сахилга бат буюу зээлийн зөв зарцуулалт. Бусдыг нь хувийн хэвшлийнхэн өөрсдөө хийчихнэ дээ.   

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
GUYUK metaverse дээр SocialPay Junior аппликэйшний эвент эхэллээ 22 цаг 39 мин Цасан болон шороон шуурга шуурахыг анхааруулж байна 23 цаг 47 мин Тицианы хулгайлагдсан зургийг дуудлага худалдаанд тавьжээ Өчигдөр 12 цаг 14 мин С.Мөнгөнзаяа: Дотуур байрын унтлагын өрөөнд камер сурилуулсан ноцтой зөрчил илэрсэн Өчигдөр 10 цаг 22 мин Бэлчээрийн ургамал нийт нутгийн 70 гаруй хувьд цухуйгаагүй байна Өчигдөр 09 цаг 47 мин УЕПГ: 14 настай хүүхдийг УИХ-ын гишүүн хүчирхийлсэн гэх хэрэг мөрдөх байгууллагад бүртгэгдээгүй Өчигдөр 09 цаг 23 мин "Булевиртид" эмийг НӨАТ болон Гаалийн албан татвараас чөлөөлөх тухай хуулийн төслүүдийг өргөн мэдүүллээ Өчигдөр 08 цаг 54 мин Иргэд, тээвэрчдийн анхааралд! Өчигдөр 08 цаг 36 мин Нойтон цас орж, цасан шуурга шуурна Өчигдөр 08 цаг 18 мин “Орхон” их сургуулиас 115 дугаар сургууль хүртэлх авто замын ажлыг эхлүүллээ Уржигдар 09 цаг 58 мин Цаг агаарын аюултай үзэгдлээс сэрэмжлүүлж байна! Уржигдар 09 цаг 44 мин Л.Болдхүү: Хувь хүний мэдээллийг зөвшөөрөлгүй ашигласан, тараасан тохиолдолд торгох, зорчих эрх хасах, хорих ялтай Уржигдар 09 цаг 33 мин Отгон чуулганаар хэлэлцэн батлагдаж магадгүй хуулийн төслүүд Уржигдар 09 цаг 23 мин Г.Анхныбаяр: Улсын бүртгэлийн үйлчилгээг харьяалал харгалзахгүй, хүртээмжтэй үзүүлдэг болсон Уржигдар 09 цаг 09 мин Эргүүлээр ажиллаж байхдаа шар өвс, гэр шатаж байсныг унтраажээ Уржигдар 08 цаг 52 мин Ашигт малтмалын тухай хуульд нэмэлт, өөрчлөлт оруулах тухай хуулийн төслийг өргөн мэдүүллээ Уржигдар 08 цаг 34 мин БОАЖЯ-аас олгосон бүх газрыг нийслэлийн мэдэлд шилжүүлж, тусгай хамгаалалтаас гаргана 2024-04-11 Их хэмжээний сум, галт зэвсэг тээвэрлэж явсан иргэнийг саатуулжээ 2024-04-11 Х.Болорчулуун: Тойргийн гишүүд жагсаалтын гишүүдээс илүү хугацаагаар үг хэлэх ёстой 2024-04-11 Хувьцааны ногдол ашгаа аваагүй иргэд брокерын компанидаа хандахыг зөвлөлөө 2024-04-11
iИх уншсан
"Буруу эрхэлсэн хүүхэд бухын хүзүүнээс хатуу" буюу Хотын дар... “Сүнстэй байшин”-гийн хэрэг-1 Л.Болдхүү: Хувь хүний мэдээллийг зөвшөөрөлгүй ашигласан, тар... Б.Наранбат: СӨХ-ны төлбөрөө төлөөгүй бол Монголбанкны хар жа... З.Энхболд: Таван толгойн ногдол ашиг ба есөн жилийн ой Л.Оюун-Эрдэнэ: "МАНАН"-тай тэмцээд МАНГАС болов Зөвлөлтийн КГБ (​Оросын ФСБ) гадагш хийх суртал нэвтрүүлэг М.Чимэддорж: Бүрэн эрх нь дуусч байгаа УИХ засаглалаар оролд... “СССР 100” явж явж гаатай бохь, жинсэнд сөхрөөд уначихсан С.Наранцогт: Үндэсний баялгийн сангийн хууль батлагдсанаар с... Төсөв дээр гар татсаны хариу гал сөнөөгчдийн алтан амиар төл... Өсвөр насны охид бүлэглэн нэгийгээ зоджээ Ц.Элбэгдорж: Миний нэр бол чиний Bible... Бурханч лам Г.Пүрэвбат таалал төгсчээ Дэлхийн хамгийн өндөр настай иргэн өөд болжээ Д.Ганбат: Төрийн ордонд учир битүүлгээр амиа алдсан Г.Батхүү... Увс, Завхан, Архангайн нутгаар цасан шуурга шуурч, байгалийн... “Миний дэлгүүр"-ийн агуулахад гарсан галыг унтраахаар ажилла... ЦЕГ: 8-ны өдөр хичээлдээ явахаар гараад сураггүй болсон 13 н... Сайд асан Д.Сарангэрэл, Т.Мөнхсайхан, А.Ариунзаяа, сайд Ч.Хү...
Top