УИХ-ын гишүүн Ц.Анандбазарын бэлгийн хүчирхийллийн асуудлыг дэлгэж, томоохон дуулиан дэгдээгээд байгаа “Sunee’s ballet” сургуулийн захирал Б.Сүндэръяа дахин нэг “бөмбөг” тэслэв.

Одоогоос тав хоногийн өмнө буюу өнгөрсөн ням гаригт Сүнээ өөрийн фэйсбүүк хуудсаар УИХ-ын гишүүн, Монголын толгой бизнесмэн, тэрбумтан эрийн хүчирхийллийн хохирогч болсноо зарлаж, үүний дараа олон нийтийн сүлжээгээр бэлгийн хүчирхийллийг эсэргүүцсэн #metoo хөдөлгөөн өрнөж, хүчээ аваад байв. Лхагва гаригт Б.Сүндэръяа хэвлэлийн бага хурал зарлаж, энэ хэргийг шалгуулахаар прокурорт гомдол гаргасан, хохирогчдын тоо мянгаас давсан хэмээн мэдээлсэн байдаг. Харин өнөөдөр тэрээр өөрийн фэйсбүүк хуудсаар дахин нэг "бөмбөг" тэсэллээ. 

Бүсгүй Ц.Анандбазарыг яллах үйл ажиллагаа нь Ерөнхийлөгч Х.Баттулгын өрсөлдөгчөө намнах сонгуулийн компанит ажил болж хувирсан хэмээн зарлаж, “улс төрийн бохир үйл ажиллагаандаа намайг бүү оролцуул” гэсэн байв. ЕТГ-ын дарга Ө.Шижир, сэтгүүлч Т.Мөнхбаясгалан, ҮАБЗ-ийн нарийн бичгийн дарга А.Гансүх нарыг нэр цохож ирээд ийм мэдэгдэл хийсэн нь асуудлыг бүр ч ноцтой болгов.

Тухайлбал, ҮАБЗ-ийн нарийн бичгийн дарга А.Гансүхийг “Буурал Гансүх ах аа. Эхнэрийн чинь бичсэн чат бий шүү” хэмээн анхааруулсан байна. Үнэхээр Ерөнхийлөгч Х.Баттулга энэ хэргийг өрсөлдөгчөө намаа унагах улс төрийн зэсвсэг болгосон уу, эсвэл өрсөлдөгч нь Х.Баттулгын эсрэг ашиглаж эхлэв үү? Сүнээгийн энэ удаагийн мэдэгдэл алинд нь хамаарах вэ гэдэг одоохондоо тодорхойгүй. Тиймээс түүний үгийг засваргүйгээр нийтэллээ.

"Хохирогчидоор улс төр хийж з/б ажил яваад байгаа учир үнэнг нь задлахаас өөр сонголт байсангүй!!!

Амьдралаараа тоглуулсан хүн ямар хүнд хэцүү байдгийг мэдэх учир задлахгүй гэж бодож байлаа. Энэ постныхоо хуулийн хариуцлагыг би бүрэн хариуцаж бүр болохгүй бол бичлэгүүдийг нь тавий даа.

2020 оны УИХ сонгууль дууссан ч 2021 оны ерөнхийлөгчийн сонгууль болох учраас тэр өдрөс хойш жил гаруй хугацаанд намайг худалдаж авах гэсэн хүмүүсийн санал баримтуудыг би цуглуулсаар байсан юм.

Өмгөөлөгчдөө дор бүр нь ийм баримтуудаа явуулж мэдэгдсээр явсан.

Аргаа ядсандаа би хувийн асуудлаа нийгэмд дэлгэж туслалцаа л хүссэн.

Гэтэл үүнийг улстөржүүлж намайг ашиглах гэсэн оролдлогууд удаа дараа ирэх нь тасрахгүй байна.

Мөнхбаясгалан эгчээ!

Би таны “Цэнзургүй ярилцлагад орохгүй ээ! Хаагдсан байсан Цензургуй яриа нэвтрүүлгээ сонгуулийн өмнө надад зориулж буцаж нээж намайг оруулах ямар ашиг сонирхол танд байна вэ?

Би дараагийн Сарангэрэл болмооргүй байна. Намайг сонгуульдаа ашиглаж өрсөлдөгч намаа харлуулах гэж битгий оролдоочээ гуйя.

Urug.mn сайтын Болорчимэгээ намайг уучлаарай. Танай репакцыг би олон зуун зуун хохирсон охидын төлөө #metoo хөдөлгөөнд нэгдэж байна гэж ойлгож талархаж суулаа.

Х.Баттулга гэж хүнтэй сонгууль дуустал хаалтын гэрээ хийснийг тань өчигдөр л мэдлээ. Үүнийг би танай ажилтнаас авсан шүү. Миний дүү би охин үртэй хүн болохоор чамайг болон бусад хохирогч охидуудыг бодоод үнэнг хэллээ гэсэн.

Та нар хүчирхийлэгч Цогт-очирын Анандбазар гишүүн болон бусад эрх мэдэл мөнгөтэй хүмүүсийн хүчирхийллийн эсрэг бус өрсөлдөгч намынх нь эсрэг ажиллах төлөвлөгөөтэй Х. Баттулга гэж хүнийг гаргахын тулд бүхнийг цэвэрхэн хийж байгааг ойлголоо.

Тийм учраас урилгаас тань татгалзсан.

Би зөвхөн нэр төрөө сэргээлгэхийг өчнөөн олон хохирсон охидын сэтгэлийн шархыг жоохон ч гэсэн тайтгаруулж зоригжуулахыг хүсч байна.

Би ингэж бичихээс өөр гарцгүй болж байнаа Шижирээ! Чи бид хоёр хэн хэн жаахан хүүхэд байхдаа танилцаж байсан сайхан танилууд. Наад заваан улс төрчид чинь өөрсдийн эрх ашгийн төлөө залуучуудыг ашиглаж өмнөөсөө шоронд хүртэл суулгадаг адгийн амьтад гэдгийг эрх биш мэдэх байх.

Найз нь чиний амьдралыг хайрлаж байна.

Энэ оролдлогуудаа зогсоохгүй бол би илүү ихийг чиний тухай дэлгэх болно шүү!

Сонгуулиа надаас холуур хийчих тэгэхүү... Найз Нарааг маань мөн битгий энэ заваан улс төрдөө ашигла. Тэр та нарыг бодвол хүн чанартай хүн. Хэцүү үед минь тулга болсон хүн.

Харин Х. Баттулгыг тойрсон та нар муу хүмүүс...

Буурал Гансүх ахаа! Та Ерөнхийлөгчдөө хэлж ойлгуул, надаар улстөр хийхээ боль! үгүй бол эхнэр Золоогын тань ч чат надад бий шүү...

Зөндөө хүнээр санал тавиулж байна.

Та бүхний мөнгө надад хэрэггүй ээ!

#metoomovement хөдөлгөөн бол маш олон хохирогч нартай хэний ч санхүүжилт зохиолоор яваагүй хэн нэгний амь нас, эрүүл мэнд, гэр бүл нэр төрөө золиослон байж эхлүүлсэн хөдөлгөөн юм.

Бид хэнийг нь хэн бэ гэдгийг ялгахтайгаа болсон!

Хохирогч бид зөвхөн Булган аймгаас хууль бусаар сонгогдсон Цогт-очирын Анандбазар гишүүнд болон бусад эрх мэдэл эд хөрөнгөөрөө сул дорой ард түмнийг дээрэлхэж доромжилж татаж чангаадаг энэ хүмүүст хуулийн хариуцлага хүлээлгэх!

Наад бохир улс төрөө та нар дээгүүрээ хийгээд зодолдоод дуус.

Одоо ингэж бичлээ гээд троллууд нь хэсэг л намайг элдэвээр гутаан доромжлох байх шүү Дамбадаржаа Гиймаажаваас эхлээд.

Ялгаж салгаж ойлгоорой түмэн минь.

Та нар Монголын ард түмнийг 2 талцуулчаад хөшигний ард хөтлөлцдөг хүмүүс!

Найз гэж байхгүй ашиг сонирхол нийлсэн хүмүүс л бий гэж та нар үргэлж ярьдаг"

Butenbayar Sunderya.

Мөн Б.Сүндэръяагийн дээрх мэдэгдлийн хариуд сэтгүүлч Л.Мөнхбаясгалан доорх хариуг өгсөн байна.