286000: Поп супер од Рианнагийн "Бид яагаад энэ талаар яриагүй юм бэ?" хэмээх Олон сарын турш үргэлжилсэн Энэтхэгийн фермерүүдийн эсэргүүцлийг дурдсан твиттер Лхагва гаригийн 14.00 цаг гэхэд 286000 гаруй удаа дахин жиргэсэн байна. Харин үүний хариуд Энэтхэгийн засгийн газар Рианна, Шведийн байгаль орчны төлөө тэмцэгч Грета Тунберг болон тариаланчдын эсэргүүцлийг дэмжиж байгаагаа илэрхийлсэн бусад алдартнуудын эсрэг хатуу ширүүн эсэргүүцэл илэрхийлэв.

532: Хоёрдугаар сарын 3-ны байдлаар Эль Сальвадор улсын есөн настай охин хил давах гэж байгаад эцэг эхээсээ тусгаарлагдсаны дараа АНУ-ын цагаачлалын албанд 532 хоногийг ганцаараа өнгөрөөжээ. Энэ нь насанд хүрээгүй хүүхдүүдийг хорих хугацааг ердөө 20 хоногоор хязгаарлах дүрмийг зөрчиж байгаа бөгөөд Байдены засаг захиргаа Төв Америкийн цагаачдын шилжилт хөдөлгөөнийг зогсоох зорилгоор Ерөнхийлөгч асан Дональд Трампын хатуу бодлогыг хүчингүй болгох шийдвэр гаргах арга хэмжээ авч байгаатай холбоотой юм.

7 тэрбум: Иран нь Персийн булан дахь орчны бохирдлыг үүсгэсэн гэх үндэслэлээр хоригдсон Өмнөд Солонгосын танкер хөлөг онгоцны багийн ажилтнуудыг суллахаар тохиролцов. Энэхүү "хүмүүнлэгийн" хөдөлгөөнийг хийсний дараа Тегеран Сөүлээс Ираны цөмийн хөтөлбөрийн асуудлаар АНУ-ын хориг арга хэмжээний дагуу Өмнөд Солонгосын банкуудад битүүмжилсэн 7 тэрбум гаруй долларын Ираны хөрөнгийг буцаачих нь гэж найдаж байна.

5000: АНУ Конгрессын Танхимд галт зэвсэг барьж яваад баригдсан АНУ-ын төлөөлөгчид одоо доод тал нь 5000 долларын торгууль төлөх ёстой болно. Парламентын дарга Нэнси Пелоси саяхан болсон Капитолын бослого, ГОП-ийн нэг хууль тогтоогч өөрийнхөө Glock-ийг Конгресс руу авч нэвтрэхээ амласны дараа бүх гишүүдийн аюулгүй байдлыг хангах үүднээс энэхүү шинэ дүрмийг батлажээ. 

Б.Бүжлхамаа

www.gzeromedia.com