Олон тэрбум долларын үнэтэй хар тамхины синдикатын удирдагч гэгдэж байсан Цэ Чи Лоп Амстердамд баривчлагдсан бөгөөд түүнийг Австралид шилжүүлэн өгөхөөр болжээ.

Цэ Чи Лопыг Ази даяар олон тэрбум долларын үнэтэй метамфетаминыг зөөвөрлөж чадсан гэдгээр нь Мексикийн хамгийн алдартай мансууруулах бодисны бүлэглэлтэй харьцуулдаг. Саяхныг хүртэл Азийн “Эл Чапо” болгоомжтой амьдарч, хууль сахиулахаас зайлсхийж чадаж байсан юм. 

Гэвч өнгөрсөн долоо хоногт дэлхийн хар тамхины наймаачин байсан түүний радарын доорхи нам гүмхэн амьдрал ёслол төгөлдөр дуусаж байгаа харагдав.

Голландын эрх баригчид Австралийн Холбооны цагдаагийн газраас Интерполын мэдэгдлийн дагуу ажиллаж, Цэ Чи Лопыг баасан гаригт Амстердамын Шипхол нисэх онгоцны буудлаас Канад руу нисэх гэж байхад нь баривчилжээ.

Хятадад төрсөн боловч 1980-аад онд Канад руу нүүсэн ноён Цэ удахгүй түүнийг "Компани" буюу "Сэм Гор" хэмээх олон улсын хар тамхины синдикатыг удирддаг гэсэн үндэслэлээр яллагдагчаар татахаар шилжүүлэн өгөх болно гэж Австралийн эрх баригчид Ням гаригт батлав.

НҮБ-аас мэдээлснээр тус компани нь Ази, Номхон далайн бүс нутгаар дайран өнгөрдөг хангамж, түгээлтийн сүлжээнд найдаж, Япон, Шинэ Зеланд болон бусад олон оронд мансууруулах бодис зөөвөрлөж жилд 17 тэрбум доллар олдог аж. 

Гэхдээ аль ч үндэстэн Цэ Чи Лопыг Австрали шиг нягт мөрдөж үзээгүй бөгөөд үүний цаадах том шалтгаан нь: Түүний удирдаж буй синдикат нь Австралид хүрч ирсэн хууль бус мансууруулах бодисын 70 хувийг хариуцдаг гэж үздэг.

"Синдикат нь Австралийг олон жилийн турш чиглүүлж, хууль бус мансууруулах бодис их хэмжээгээр импортолж, тарааж, гадаадад олсон орлогоо угааж, гэмт хэргээс олсон баялгаараа амьдарч байсан" гэж Австралийн Холбооны Цагдаагийн газар мэдэгдэлдээ дурджээ. 

Б.Бүжлхамаа

Эх сурвалж: www.nytimes.com