Хятадын мөнгөн тэмдэгт сүүлийн хоёр жилийн хугацаанд доллар болон бусад голлох валютын эсрэг хамгийн хүчтэй түвшинд хүрсэн бөгөөд энэ нь зогсох шинжгүй байна.

Энэ нь хятадын бүтээгдэхүүнийг дэлхийн өнцөг булан бүрт байгаа хэрэглэгчдэд илүү үнэтэй болгож магадгүй юм.

Бээжин үйлдвэрүүдэд гадаад улс оронд бараа бүтээгдэхүүнээ хямд үнээр борлуулах боломж олгохын тулд ханшаа сул хэвээр нь хатуу барьж ирсэн. Гэхдээ одоо үйлдвэрүүдэд ийм тусламж хэрэггүй болжээ. Учир нь хятадын юань чангарсан ч хүмүүс барааг нь худалдаж авсаар байх нь. Энэ нь Хятад АНУ-тай харилцаа тогтооход тустай байж болох юм. 

Конгресст болон засгийн газрын хүрээнд Бээжингийн шүүмжлэгчид Хятадын засгийн газрыг Америкийн үйлдвэрлэгчдийг хохироосон аргаар шударга бусаар мөнгөн тэмдэгт ашигласан гэж буруутгаж ирсэн. Үүний цаана, Хятад бол сүүлийн хэдэн жил сүйрсээр л байгаа дэлхийн эдийн засгийн дотор тодрох ховор цэг юм. Тэнд үйлдвэрүүд нь эрчимтэй хөгжиж, экспорт нь эрчимтэй нэмэгдэж байна. Хөрөнгө оруулагчид улс орондоо мөнгөө хадгалахыг эрмэлздэг бол Төв банк Европ, АНУ-аас илүү өндөр хүүгийн хүүг Хятадад үлдээх зайтай байдаг. Даваа гариг хүртэл АНУ-ын доллар 5-р сарын сүүлчээр 7.16 юаньтай тэнцэж байсан бол одоо 6.47 юаньтай тэнцэж байна. Энэ нь сүүлийн хагас жилийн хамгийн өндөр төвшин юм.

Б.Бүжлхамаа