Норвеги улс Pfizer/BioNTech коронавирусийн вакцин хийлгэсний дараа нас барсан асрамжийн газрын хоёр ахмадын үхлийн шалтгааныг шалгаж байна. Энэхүү мэдээлэл нь Порто дахь хүүхдийн мэс заслын туслах эмч мөн Pfizer-ын вакциныг аваад хоёр хоногийн дараа нас барсан байдалтай олдсоны дараа гарсан мэдээлэл юм.

Норвегийн Эмийн агентлагийн Эмнэлгийн захирал Штайнер Мадсен мэдэгдэл хийхдээ "Вакцин нь үхлийн шалтгаан болсон эсэх, эсвэл вакцин хийлгэсний дараахан тохиолдсон тохиолдол уу гэдгийг бид үнэлэх ёстой" гэжээ. Тус агентлаг Норвегийн Нийгмийн эрүүл мэндийн үндэсний хүрээлэнтэй хамтран нас барсан шалтгааныг тогтоохоор ажиллаж байгаа аж. 

Коронавирусийн эсрэг вакциныг эхлээд хөгшин настай хүмүүс хийлгэж байгаа тул нас баралт санамсаргүй тохиолдлоор тохиолдож болзошгүй гэж захирал Мадсен нэмж хэлсэн юм.

Pfizer компанийн Гүйцэтгэх захирал Альберт Бурла ярилцлгага өгөхдөө "Вакцинаа хийлгэсэн хүмүүс коронавирусийг бусдад дамжуулах боломжтой эсэх талаар эргэлзээтэй байгаа" гэж компанийн байр сууриар хариулжээ. 

Мөн АНУ Флорида мужийн Эрүүл мэндийн яам, АНУ-ын Өвчнийг хянах, урьдчилан сэргийлэх төвүүд ижил төстэй хэрэг дээр шалгалт хийж байна. Доктор Грегори Майклын үхэл нь вакцинтай бүрэн холбогдоогүй байгаа боловч энэ нь магадлалтай байгаа тухай мэдээлжээ. 

АНУ-ын Өвчнийг хянах, урьдчилан сэргийлэх төв үүнийг баталж, тус газрын хэвлэлийн төлөөлөлч "Флоридад нас барахаасаа хоёр долоо хоногийн өмнө Pfizer/BioNTech ковид-19-ийн эсрэг вакцин хийлгэсэн хүн нас барсан гэсэн мэдээлэл байна" гэж лхагва гаригийн орой мэдээлсэн байна.

Тус мэдэгдэлд бичсэнээр бол талийгаачийг "Сүүлийн 15 жилийн турш Миами Бийч дэх Синай Маунт эрүүл мэндийн төвд эх барих эмэгтэйчүүдийн эмч байсан. Тэрээр олон нийтийн бүртгэлээр 56 настай байсан. 12 дугаар сарын 19-ний орчим вакцин хийлгэж, 1-р сарын 3-4-ний хооронд нас барсан" гэжээ. Мягмар гаригт задлан шинжилгээ хийлээ гэж мэдээлэв. Эмнэлгийн байцаагч болон түнш байгууллагуудын судалгаа дуусах хүртэл үхлийн шалтгаан тодорхой биш байна.

Pfizer-ын зүгээс мөн энэ хэргийг шалгаж байгаа аж. 

"Pfizer/BioNTech-ийн эрүүл мэндийн мэргэжилтэн вакцины эхний тунг авснаас хойш арван зургаан хоногийн дараа нас барсныг мэдэж байгаа" гэж Pfizer мэдэгдэлдээ дурджээ.  Мөн "Энэ бол хүнд хэлбэрийн тромбоцитопени өвчний клиник тохиолдол бөгөөд энэ нь бие махбодийн цус өтгөрөх, дотоод цус алдалтыг зогсоох чадварыг бууруулдаг" гэж нэмж хэлжээ.

Тус компаний мэдэгдэлд "Бид энэ хэргийг идэвхтэй шалгаж байна. Гэхдээ одоогоор вакцинтай шууд холбоотой гэж бид итгэхгүй байна. Манай эмнэлзүйн туршилтуудад, маркетингийн дараах туршлага, одоог хүртэл эсвэл мРНХ вакцины платформтой холбоотой аюулгүй байдлын талаархи ямар ч дохио тогтоогдоогүй байна. Өнөөдрийг хүртэл олон сая хүмүүс вакцинд хамрагдсан бөгөөд бид вакцин хийлгэж буй хүмүүст тохиолдох бүх сөрөг үзэгдлийг анхааралтай ажиглаж байна. Вакцинтай холбоогүй нас баралт зэрэг ноцтой сөрөг үзэгдлүүд нь харамсалтай нь хүн амын дунд тохиолдож байсан ижил хурдтай тохиолдох магадлалтай байгааг тэмдэглэх нь зүйтэй" гэжээ. 

АНУ-ын Өвчнийг хянах, урьдчилан сэргийлэх төвийн албан тушаалтнууд Лхагва гаригт сэтгүүлчдэд мэдээлэхпээ "Коронавирусийн вакцины эсрэг харшлын урвалын 29 тохиолдолд хүндээр илэрсэн буюу 1 сая тун тутамд анафилаксийн 11.1 тохиолдлоос илүү ноцтой хариу урвал ажиглагдаагүй" гэв. 

Мөн "Гэхдээ энэ нь ирээдүйд гарч болзошгүй эрүүл мэндийн ноцтой үйл явдлуудыг харж чадахгүй гэсэн үг биш юм" гэлээ. 

АНУ-ын Өвчнийг хянах, урьдчилан сэргийлэх төвийн мэдээлснээр 5.3 сая гаруй хүн Ковид-19 вакцины анхны тунг хийлгэсэн байна. Лхагва гаригийн орой мэдэгдэлдээ "Агентлаг аюулгүй байдлын мэдээллийг АНУ-ын Хүнс, эмийн газар зэрэг бусад холбооны агентлагуудтай тогтмол хянаж үздэг, мөн эдгээр мэдээллийг бие даан хянаж, зөвлөмж гаргадаг, удирдамж өгдөг вакцины аюулгүй байдлын мэргэжилтнүүдтэй тогтмол харьцдаг" гэжээ.

Мөн "АНУ-ын Өвчнийг хянах, урьдчилан сэргийлэх төв нь илүү их мэдээлэл олж авахын хэрээр нөхцөл байдлыг үнэлж, шаардлагатай арга хэмжээний талаар цаг тухайд нь мэдээллээр хангах болно" гэж мэдэгдэлд дурджээ.

Асрамжийн газрын 91 настай ахмад вакцин хийлгэснээс хойш тав хоногийн дараа Швейцарьт нас баржээ. Албаны хүмүүс өвчтөн аль хэдийн өвчтэй байсан бөгөөд вакцинтай холбогдох нь "магадлал багатай" гэж мэдэгдсэн.

Швейцарийн эрүүл мэндийн байгууллагууд өндөр настай өвчтөний үхэлд хүргэсэн гэх вакцины тухай цуурхлыг няцаасан юм.

Люцерн хотын төв кантонд 91 настай хөгшин нас барсан тухай Швейцарьт өргөн тархсан байна. Швейцарийн эмчилгээний бүтээгдэхүүний агентлаг Swissmedic даваа гаригт болсон явдлыг нотолсон боловч өвчтөн аль хэдийн олон өвчнөөр шаналж байсан гэжээ. 

Б.Бүжлхамаа