Ерөнхийлөгч Дональд Трампыг дэмжигчид хүч ашиглан нийслэл Вашингтонд Капитольд үймээн дэгдээлээ. Учир нь хууль тогтоогчид шинээр сонгогдсон Ерөнхийлөгч Жо Байдений ялалтыг эцэслэн батлахаар уулзаж байсан юм.

Конгрессын гишүүдийг цагдаа нарын хамгаалалтан дор танхимаас гарган чухам драматик үйл явдал боллоо. Жо Байден энэ арга хэмжээ "одоо дуусах ёстой" гэж мэдэгдээд "Трампыг энэ бүгдээ зогсоохыг үндэсний телевизээр шаардах хэрэгтэй" хэмээн уриалав.

Үймээний улмаас сонгуулийн саналыг баталгаажуулсан Конгрессын хамтарсан хуралдааныг түдгэлзүүлж, завсарлага авлаа.

Барилга руу буу чиглүүлж, буудсан гэсэн мэдээлэл байна. Үймээний үед нэг хүн буудаалсан бөгөөд хүзүүгээ гэмтээсэн эмэгтэйн биеийн байдал маш хүнд байгаа гэж мэдээлсэн.

Төлөөлөгчдийн танхимын үүдэнд зэвсэгт мөргөлдөөн болж, нулимс асгаруулагч хий ашигласан байна.

Конгрессын гишүүдэд барилгаас нүүн шилжих эсвэл байгаа газраа үлдэхийг даалгажээ.  Нэг конгрессын гишүүн өрөөндөө байрлаж байгаа тухайгаа жиргэжээ. 

Ерөнхийлөгч Трамп хүмүүсийг тайван байж, хууль сахиулах байгууллагын ажилтнуудыг хүндэтгэхийг уриалжээ. 

Дэд ерөнхийлөгч Майк Пенс үймээн дэгдээгчдийг Капитолийг нэн даруй орхихыг уриалж, хүчирхийлэл, сүйрлийг "одоо зогсоох ёстой" гэжээ.

Трампын хэвлэлийн төлөөлөгч Кайлей МакЭнани твиттертээ Үндэсний аюулгүй байдлыг ажиллуулж байна гэж жиргэсэн байна. 

"Бид Трампыг хүсч байна" хэмээн хашгирч байшингийн хажуугаар жагсагчид явж байхад нь Сенатын ерөнхийлөгчийн сандал дээр нэг нь зургаа авахуулжээ. Вашингтоны хотын захирагч 18:00-6:00 цагийн хооронд (GMT-ийн 23:00-11:00) хооронд хотын хэмжээнд хөл хорио тогтоосон байна.

Түүнчлэн Канзас, Жеоржиа муж улсын хууль тогтоох байгууллагуудад эсэргүүцлийн жагсаал зохион байгуулж байгаа тухай мэдээлэл байна. 

Б.Бүжлхамаа