Энэтхэг улс коронавирусийн эсрэг хоёр вакциныг зөвшөөрлөө.
Энэхүү хоёр вакциныг AstraZeneca ба Oxford University болон Bharat Biotech компани бүтээсэн байна. Тус улсад цар тахлыг дарахын тулд Ням гаригт яаралтай тусламжийн зорилгоор дээрх хоёр вакциныг ногоон гэрлээр баталжээ.
Энэтхэг улс энэ оны эхний гурван сард вакцинжуулах кампанит ажил эхлүүлэхээр төлөвлөж байгаа бөгөөд наймдугаар сар гэхэд хүн амын дөрөвний нэг орчим хувийг хамарсан байна гэж найдаж байнаа. Вакцины тунг авах эхний 30 сая хүн эрүүл мэндийн байгууллагууд, дараа нь цагдаа нар болон бусад газар дээр нь ажиллаж буй фронтын ажилчид байх ажээ.
Гэхдээ AstraZeneca-Oxford вакциныг үйлдвэрлэж байгаа Энэтхэгийн эм бодис үйлдвэрлэгч Serum Institute нь үйлдвэрлэхээр амласан 400 сая тунгийн аравны нэгийг л он дуустал хийж чаджээ.
Энэтхэг улс батлагдсан халдварын тоогоороо АНУ-ын ард 2-р байранд жагсаж байна. Цар тахлын улмаас ажилгүйдэл сүүлийн 45 жилийн дээд түвшинд хүрэн эдийн засгийг элгээр нь мөлхүүлж байна. Боловсрол тасалдаж, улс орны залуучуудад урт хугацааны үр дагаврын талаар санаа зовоход хүргээд байгаа аж.
Б.Бүжлхамаа
