2021 онд Их Британи Европын холбооноос гарсны дараа "Англи хэл нь Европын холбооны албан ёсны хэл хэвээр байх болно" гэж Европын Комисс баталлаа.
Цахим ертөнцөд цуурхал тархаж, Европын холбоо нь Brexit-ийг баасан гаригт (2021 оны 1-р сарын 1) хүчин төгөлдөр болсны дараа албан ёсны хэлээ дахин тогтооно гэж таамаглаж байсан юм.
Шотландын "The National" сонинд гарсан нийтлэлд Европын харилцааны сурвалжлагчийн "Гишүүн орнууд баримт бичгийн орчуулгад ашиглахаас татгалзсаны дараа англи хэл" ажлын хэл "болж буурах гэж байна" гэж мэдэгдсэнийг иш татжээ.
Эдгээр тайланг The New European сэтгүүл мөн хуваалцсан байна.
Мөн 2016 онд нэрт Европарламентийн гишүүн "Хэрэв бидэнд Их Британи байхгүй бол бидэнд англи хэл байхгүй" гэж хэлсэн байдаг.
Гэхдээ Европын холбооноос Евроньюст мэдэгдэл хийхдээ цуурхлыг эрс няцаажээ. "Огт үнэн биш" гэж Европын холбоо, Их Британийн хэлэлцээний Европын Комиссын төлөөлөгч мэдэгдэв. Тэд "Англи хэл албан ёсны хэл хэвээр үлдэнэ" гэсэн байна.
1973 оноос хойш Англи хэл нь тус холбооны албан ёсны хэл болжээ.
Их Британи бол Англи хэлийг албан ёсны хэл болгон өгсөн ЕХ-ны цорын ганц улс байсан бол бусад гишүүн орнууд Англи хэлийг түгээмэл ашигладаг бөгөөд ЕХ-ны албан ёсны өөр хэлийг дэвшүүлсэн байдаг. Европын Холбооны албан ёсны вэбсайт дээр "Их Британи ЕХ-ноос гарсан ч Англи хэл Ирланд, Мальтагийн албан ёсны хэлний нэг хэвээр байна" гэж дахин давтан мэдэгджээ.
Б.Бүжлхамаа
