Германы нисгэгч Сами Крамер Ковид-19 вакцинжуулалтын кампанит ажил Европт эхэлж байгааг хүмүүст сануулахаар 200 км нисч, аварга том тариурыг тэнгэрийн зурваст үлдээжээ. 

20 настай нисгэгч Германы өмнөд хэсэгт орших Констанс нуурын ойролцоох тэнгэрт гарахаасаа өмнө GPS төхөөрөмжөөр явах шаардлагатай маршрутаа төлөвлөжээ.

Тариур хэлбэртэй нислэгийн маршрутийг flightradar24 сайт нийтэд мэдээлсэн байна.

Нисгэгч Сами Крамер "Вакцинжуулалтыг эсэргүүцэх хүмүүс харьцангуй олон хэвээр байгаа бөгөөд миний үйлдэл тэдэнд энэхүү сэдвийг эргэцүүлж, зөв хөдлөгөөнд орохыг нь сануулж магадгүй юм" хэмээн ярьжээ. Мөн тэрээр түүний нислэгийг шууд дуудлага гэж ойлгож болохгүй. Магадгүй энэ нь цар тахлын улмаас нилээн хүнд цохилтонд орсон нисэхийн салбарт бас урам зориг нэмэх болно гэж бодож байна гэж нэмж хэлсэн байна.

Герман улс ням гаригт Ковид-19 вакцинжуулах кампанит ажлаа албан ёсоор эхлүүлсэн. Холбооны засгийн газар энэ оны эцэс гэхэд 1.3 сая гаруй вакцины тунг орон нутгийн эрүүл мэндийн байгууллагуудад тараахаар төлөвлөж байгаа бөгөөд 1-р сараас эхлэн долоо хоногт 700 мянга орчим тун вакцины тун тараах юм байна.

Б.Бүжлхамаа