Хэрэв танд Ковидын вакцин хийлгэсний дараа хүнд гаж нөлөө илэрвэл АНУ-ын шүүхэд гомдол гаргах хүн байхгүй гэж CNBC агентлаг мэдээлэв. Холбооны засгийн газар Pfizer, Moderna зэрэг компаниудын санамсаргүйгээр вакцин нь буруу ажиллавал хариуцлага үүрэхгүй байх дархлаа олгожээ. 

Даллас хотын аюулгүй байдал, хөдөлмөр эрхлэлтийн асуудал хариуцсан өмгөөлөгч Рожге Данн "Энэ хэмжээний хуулиар хамгаалагдсан дархлаатай байх нь тун ховор тохиолддог. Эмийн үйлдвэрүүдэд ихэвчлэн иймэрхүү хариуцлагаас хамгаалагдсан эрх олгодоггүй" гэлээ. 

Вакцин хийлгэж буй хүмүүс Хүнс, Эмийн Захиргааны байгууллагын яаралтай тусламжийн тусгай зөвшөөрлөөр вакцин хийлгэж байгаа тул шүүхэд нэхэмжлэл гаргах боломжгүй бөгөөд тарилга хийлгэхийг хөдөлмөр эрхлэлтийн нөхцлөөр үүрэг болговол ажил олгогчтойгоо хариуцлага тооцож чадахгүй. Конгресс вакцин гэх мэт "нийтийг нөмөрсөн эсрэг арга хэмжээ"-гээр нөхөж баршгүй хохирол амссан хүмүүсийн алдагдсан цалин хөлс, халааснаас гарсан эмчилгээний зардлыг нөхөхөд туслах зорилгоор тусгайлан сан байгуулсан.  Гэхдээ үүнийг ашиглахад хэцүү бөгөөд бараг төлдөггүй. Өмгөөлөгчид энэ сан сүүлийн арван жилд гаргасан нэхэмжлэлийн 6-аас бага хувийг нөхөн төлсөн гэж мэдэгдлээ.

Хамгийн богино хугацаанд боловсруулсан вакцин бол паротит өвчний эсрэг вакцин байсан.  Тус вакцины хөгжүүлэлт дөрвөн жил үргэлжилсэн бөгөөд 1967 онд лиценз авсан байна. Pfizer-ын Ковид-19 вакциныг найман сарын хугацаанд яаралтай тусламжийн зориулалтаар боловсруулж хэрэглээнд нэвтрүүллээ. АНУ-ын 10 хүн тутмын 4 нь вакцинд хамрагдахгүй байх магадлалтай гэж "Пью" судалгааны төвийн саяхны судалгаагаар гаргажээ. 

Энэ нь хоёр сарын өмнөхөөс доогуур байгаа хэдий ч итгэлцлийн асар том зөрүү байгааг харуулж байна.

Гэсэн хэдий ч Pfizer шиг эм үйлдвэрлэгчид олон нийтэд ямар ч товчлол гараагүй гэж тайвшруулсаар байна. Энэ бол вакцин юм. Энэ бол дэлхийн бүх эрх баригчдаас батлагдаж байгаа вакцин юм. Энэ нь нэг зүйлийг хэлэх ёстой. Эмийн үйлдвэрүүдэд олгосон хууль ёсны дархлаа нь тэднийг зөвхөн шүүхээс хамгаалдаггүй. 

Өмгөөлөгч Рожге Данн "Энэ нь дархлаажуулалтын үнийг бууруулахад тусалдаг гэж хэллээ. Засгийн газар хүмүүсийг Ковидын вакцин үйлдвэрлэж буй компаниудыг шүүхэд өгөхийг хүсэхгүй байна. Тиймээс үйлдвэрлэгчид засгийн газраас нэг хүнд ногдох өндөр үнийг ногдуулж магадгүй юм гэлээ.

Pfizer, Moderna нар CNBC-ийн хууль ёсны хамгаалалтын талаар тайлбар өгөх хүсэлтэд хариу мэдэгдээгүй байна. 

Бү.Лхамаа