БНХАУ-ын дарга Ши Зиньпин бямба гаригт Парисын цаг уурын хэлэлцээр байгуулагдсаны таван жилийн ойд зориулсан онлайн хэлэлцүүлэг дээр үг хэлэхдээ, 2030 он гэхэд Хятад нүүрстөрөгчийн эрчимийг 65 гаруй хувиар бууруулна гэж мэдэгдэв.

Нүүрстөрөгчийн эрчим нь хүлэмжийн хийн ялгаруулалтыг эдийн засгийн үйл ажиллагаатай харьцуулж үздэг ойлголт юм. Зорилгодоо хүрэх нь Хятадын эдийн засаг өсөхийн хэрээр түүний ялгаруулалт нэмэгдэх боловч өмнөхөөсөө харьцангуй бага хурдтай байх болно гэсэн үг юм. Ноён Ши мөн Хятад улс салхи, нарны эрчим хүчийг гурав дахин нэмэгдүүлж, тэрбум гаруй киловаттад хүрч, ойгоо тэлнэ гэжээ.

Хятад бол дэлхийг дулааралд нөлөөлдөг хий ялгаруулагч хамгийн том үйлдвэрлэгч орны сацуу хорт утааг багасгахын тулд юу ч хийхээс буцдаггүй нь уур амьсгалын өөрчлөлтийг шийдвэрлэх түлхүүр болдог. Байгаль орчныг хамгаалах өмгөөлөгчид ноён Ши нүүрстөрөгчийн эрчимийг эрс бууруулах амлалт өгнө гэж найдаж байсан боловч коронавирусийн цартахлын улмаас бий болсон эдийн засгийн уналт Бээжингийн төлөвлөгөөг сааруулж магадгүй юм. 

Энэ зуур, Европын холбооны удирдагчид нүүрстөрөгчөөсөө ихээхэн хамааралтай улс орнуудын санаа зовнилыг даван туулж, 2050 он гэхэд уур амьсгалыг саармагжуулах чухал алхам хийснээр цэвэр нүүрстөрөгчийн ялгаруулалтыг ойрын арван жилд 55 хувиар бууруулахаар тохиролцов. Үүний хүрээнд чухал шийдвэрүүдийн нэг нь татвар төлөгчдийн гадаадад олборлох түлшний төслүүдийг аль болох богино хугацаанд дэмжих юм байна. 

Бү.Лхамаа