17-р зууны Английн алдарт зохиолч Жэйн Остиныг мэдэхгүй хүн ховор биз ээ. Pride and Prejudice буюу Бардамнал ба бахархал, Sense and Sensibility буюу Мэдрэмж ба Мэдрэхүй зэрэг алдартай зохиол, кинонуудаар нь үзэгч, уншигчид түүнийг андахгүй. Эмэгтэй гол дүртэй, түүнийхээ дотоод сэтгэлийн болон гадаад нөлөөлөгч хүчин зүйлүүдийн зөрчлийн тухай өгүүлэгч тэрээр үе үеийн охид бүсгүйчүүдийн номын санд болон зүрх сэтгэлд чухал байр суурь эзэлдэг. 

Эзээр өнөө цагт бидний дурлал, хайр, болзоо буцаад 17-р зууны хэв маяг руу шилжсэн гэлтэй. Уулзах тоолондоо гэрийнхнийх нь эрүүл мэндийг асууж, болзооны ганц боломжит хувилбар нь алхах болж, нийгмийнхний хараа хяналт дор нүднээс далд уулзах гэж зүдэрч, за хамгийн адилхан хэсэг нь хоорондоо барагтай бол хүрэлцэхгүйд байх нь. Орчлон эргэнээ гэж. Буцаад 17-р зууныхан шиг болздог болчихно гэж бодоо ч үгүй л явлаа даа...

Доор дурьдсанчлан Жэйн Остины зохиол дээр хос хоёр гэж болздог байсныг одоо бид хуулах нь ээ. 

• Нэгэнт учраа олчихсон хосууд мэдээж аргаа олоод уулзах нь тодорхой гэхдээ л тэд хөршийн эсвэл хотынхны хараа хяналтан дор болзоно.

• Хөөрхий “шинэхэн нэр дэвшигч” маань уулзах гэж удтал чатлана, уулзах бол олны нүднээс нуугдах гэж хэсэг зүдрэнэ. 

• Учралт хоёрын маань өдөр тутам ихэвчлэн гэр зуур өнгөрнө.

• Бүхэл бүтэн хотынхны “сүргийн” нөлөөнд аль аль талууд автана. 

• Уулзсан хоёр маань хэн хэнийхээ гэр бүлийн гишүүдийн эрүүл мэнд ямар байгааг заавал асууна. 

• Нийгэмд үзүүлэх ёс суртахууны үүргийг үндэслэн бүтээсэн тэр үеийн хатуу ёс зүй, зан заншил нь хосуудын хоорондын харилцан үйлдэлд хүчтэй нөлөө үзүүлж, хөгжилтэй золгүй ч гэхүү явдал руу хөтлөнө.

• Хаана уулзах, хэдэн минут удахаа ч мөн ухаалаг төлөвлөх хэрэгтэй болно. 

• Ихэнхдээ “гадуур алхах” гэдэг болзооны хэв маягтай болно.

• Романтик уулзалтууд цаг агаараас ихээхэн хамаарах нь.

• Ямар нэгэн байдлаар, хэзээ нэгэн цагт цай уух л болно.

• Гэр бүлээрээ оройн хоолоо зооглож тайван амгалан амьдарч байгаа найз нөхөддөө сүүлийн үеийн романтик үйл явдлуудаа захидлаар дамжуулан мэдэгдэнэ.

• Романтик харилцааны ихэнх хэсэг нь хоорондын захианд өрнөнө.

• Харц тулгарах, хаа нэг шүргэлцэх нь харилцаанд сэтгэл догдлуулсан чухал момент болно. 

• Та болон ирээдүйн эхнэр/нөхөр чинь барагтай л бол хоорондоо хүрэлцэхгүй дээ.

Бү.Лхамаа