Мягмар гаригт гаргасан дэлхийн хамгийн сүүлийн үеийн эдийн засгийн төлөв байдалд Эдийн засгийн хамтын ажиллагаа, хөгжлийн байгууллага Хятадаас бусад ихэнх орны хувьд эдийн засгийн сэргэлт удаан байх болно гэж таамаглав.
Ирэх жил дэлхийн эдийн засаг 4.2 хувиар өсч, дараа зунаас л хүчээ авна гэж таамаглаж байгаа аж.
Энэ өсөлтийг Хятад улс удирдан чиглүүлж, 10 орчим хувийн өсөлттэй жилийг дуусгах болно гэж тус байгууллагын ахлах эдийн засагч хэллээ.
Тус судалгаагаар Өмнөд Солонгос, Швед, Энэтхэг улсууд эдийн засгийн хямралыг Латин Америкийн болон ихэнх Европын орнуудаас хамаагүй дээр даван туулах юм байна.
Орлогын тэгш бус байдал улам даамжирч, ажлын байр бий болгоход түлхэц болж буй жижиг, дунд бизнес эрхлэгчдийн нуруун дээр хүнд ачаа үүрэгдэх нь тод болсон. Барууны орнуудын сэргэлт ялангуяа эмзэг хэвээр байх магадлалтай байна.
Эдийн засгийн хамтын ажиллагаа, хөгжлийн байгууллагаас улс орнуудын засгийн газарт санхүүгийн дэмжлэг үзүүлэх хөтөлбөрийг өргөжүүлэх, эрүүл мэндийн үндэсний болон нийгмийн хамгааллын сүлжээг бэхжүүлэхийг уриалж байна.
Хангалттай хэмжээнд вакцин үйлдвэрлэхэд нэг жил хүртэлх хугацаа шаардагдах боловч нийгэм, эдийн засгийг дэмжих хөтөлбөрийн өртөг нь шуургыг давахад туслах үнэ цэнэтэй юм гэж тус зөвлөлөөс мэдэгдлээ.
Бү.Лхамаа
