Ираны цөмийн физикч, шилдэг эрдэмтэн ноён Фахризадег машин зам дээр явж байхад хэсэг итгээд санаатайгаар халдлага үйлдэн амь насанд нь хүрчээ.
Өнгөрсөн баасан гаригт Ноён Фахризаде хамгаалагчдын хамт Тегеран хотын ойролцоох Абсард хот дахь хадмуудынхаа гэр рүү явж байжээ. Тойрог дээр зогсож байсан хоосон Ниссан дэлбэрч, ойрхон зогсож байсан тээврийн хэрэгслээс буутай хүмүүс болон мотоцикльтой хүмүүс гэнэт гарч ирэн, түүнийг буудан хөнөөсөн байна.
Тус эрдэмтэн дор хаяж гурван суманд оногдсон гэж албаныхан мэдээлэв.
Аврах нисдэг тэрэг түүнийг Тегераны эмнэлэгт хүргэх боломжтой байсан хэдий ч харамсалтай нь аль хэдий нь нас барсан байна. Халдлага үйлдсэн нийт 12 алуурчин бүгд хэргийн газар дээрээс зугтжээ.
Иранд нуугдмал халдлагууд хийх нь шинэ зүйл биш боловч 2020 онд эдгээр аймшигт халдлагууд удаа дараа гарсаар байгаа. Хамгийн сүүлд гарсан энэхүү гэмт хэргийн хохирогч нь Иран улсын цөмийн шилдэг эрдэмтэн байсан. Иранчууд энэ эмзэг цаг үед хэрхэн хариу үйлдэл үзүүлэх тал дээр маргаж байна.
Үндэсний хатуу байр суурьтай хүмүүс Мохсен Фахризадегийн амийг хөнөөснийхөө төлөө хурдан хариу арга хэмжээ авахыг шаардаж байгаа боловч нөгөө талд Тегеран шинээр сонгогдсон Ерөнхийлөгч Жо Байдены засаглалтай хэрхэн дайсагналгүй бүгдийг шинээр эхлэх талаар бодол нэрж байна.
Ноён Байден Тегерантай дипломат харилцаагаа эхлүүлэхээс нь өмнө Ираны цөмийн хэлэлцээрийг сэргээх гэсэн хүчин чармайлтыг унагаах аюул заналхийлж байна.
Энэхүү халдлагын гол зорилго энэ байсан байж магадгүй гэж америкийн үндэсний аюулгүй байдлын сурвалжлагч бичжээ.
Тагнуулын ажилтнууд энэ аллагын цаана Израиль байсан гэдэгт эргэлзэх зүйл алга гэж мэдэгдэв.
Бү.Лхамаа
