Франц улсад усны булгууд коронавирусаар өвчилсөн анхны голомт илэрсэнтэй холбоотойгоор мянга гаруй ийм амьтныг устгасан талаар тус улсын Хөдөө аж ахуйн яам ням гаригт мэдээлжээ.
Францад усны булга үржүүлдэг дөрвөн ферм байдаг бөгөөд үүний нэгд нь вирус илрээгүй гэж тус яамнаас мэдээлсэн байна.
Харин бусад хоёрт нь шинжилгээ, судалгаа хийж байгаа бөгөөд үр дүн нь ирэх долоо хоногт тодорхой болох юм байна.
Дашрамд дурьдахад, усны булга үржүүлэх фермд халдвар тархсан тохиолдол өмнө нь Дани улсад бүртгэгдсэн билээ. Үүнээс улбаалан коронавирус мутацид орж, амьтнаас хүнд халдах эрсдэлтэй байгаатай холбоотойгоор тус улсын эрх баригчид үржүүлгийн фермүүдийн 15 сая гаруй булгыг бүгдийг нь устгах шийдвэр гаргасан билээ.
