Япон улс халдварын эсрэг өндөржүүлсэн бэлэн байдалд байна.

Лхагва, Пүрэв гаригуудад Япон улс 2000 гаруй коронавирусийн шинэ тохиолдол бүртгэгдсэн нь тус улс гурав дахь удаагаа шинэ төрлийн титэм вирусийн давалгаанд хүчтэй цохигдож, шинэ муу дээд түвшинг тогтоолоо. 

Ерөнхий сайд Ёшихидэ Суга улс орноо "дээд хэмжээнд бэлэн байдалд байлгаж" иргэн нэг бүр сэрэмжтэй байхыг, маск заавал зүүхийг, гадуур хооллохгүй байхыг уриалав.

Токиод ч мөн дахин шинэ тохиолдлын тоо өдөр, өдөрт өсөж, шинэ рекорд тогтоохын зэрэгцээ өдөрт 500 гаруй халдвар бүртгэгдэж байна.

Япон орон нийт тоогоороо бусад олон улстай харьцуулахад бага байгаа боловч халдвар маш хурдан нэмэгдэж байна. Токиогийн засгийн газарт ажиллаж байсан шинжээчдийн зөвлөл өнөөгийн огцом өсөлт нь хамгийн их түгшүүртэй байгаа гэж хэллээ. Учир нь өмнөх идэвхжлийн үеэр ихэвчлэн залуучууд өртсөн бол одоогийн давалгаанд дунд болон ахимаг насны хүмүүс илүү өртөж байна.

Хэдийгээр дэлхийн өнцөг булан бүрт халдварын тоо улам л ихсэж байгаа ч Олон улсын олимпийн хорооны ерөнхийлөгч "Ирэх зун Токио хотод олимп болдгоороо болно, энэ харанхуй хонгилын үзүүрт гэрэл байх болно" гэжээ.

Дэлхийн бусад булан тохой ба Ковид:

• АНУ-д коронавирусийн цартахлын улмаас нас барсан хүний тоо 250,000 давжээ. Хавайгаас бусад муж бүрт тохиолдлын тоо нэмэгдэж байгаа бөгөөд эрүүл мэндийн мэргэжилтнүүд улам л хэцүү сар нүүр тулахыг анхааруулж байна.

• Дэлхийн эрүүл мэндийн байгууллагаас Европт тохиолдол сүүлийн хэдэн сард анх удаа буурч байна гэж мэдэгдсэн нь шинэ хязгаарлалтууд үр дүнгээ өгч байгааг харуулж байна.

• Африк хоёр дахь удаагаа огцом нэмэгдэж байгаа нь батлагдсан хоёр сая гаруй тохиолдлуудад болоод байгаа боловч бага туршилт хийснээр энэ тоо илүү өндөр байж магадгүй юм. 

• Бараг 1 сая Хятад иргэн сайн дураар вакцинжуулагдаад байна. Улсын эм үйлдвэрлэгч Синофарм эхний тунг хийхэд аюулгүй байдлын талаас ноцтой асуудал гараагүй гэж мэдээлсэн боловч вакцины үр нөлөөг нотолсон баттай мэдээллийг хараахан мэдээлээгүй байна. Эрх баригчид ямар ч байсан тарилгын ажлыг урагшлуулж байгаа бөгөөд бусад хэд хэдэн засгийн газар өөрсдийн иргэддээ тунг захиалах талаар судалж байна.

Бү.Лхамаа