Өнгөрсөн долоо хоногт АНУ-д өдөр бүр дунджаар 160,000 шинэ коронавирусийн тохиолдол бүртгэгджээ.
Энэ вирусийн хүндрэлийн тохиолдол олон эмнэлгүүдийн орыг дүүргэхийн зэрэгцээ өдөрт 1100 гаруй америкчуудын амийг авч одож байна. Өдөр өдрөөр нэмэгдэж буй цар тахал эрдэмтдэд вакцин хэрхэн "Ковид-19"-оос хамгаалж болохыг хэмжихэд илүү тус болж байгаа аж.
Эм үйлдвэрлэгч Pfizer, Moderna нар вакциныхаа туршилтыг түргэвчилсэн нь Ковид-19-ээс урьдчилан сэргийлэхэд маш үр дүнтэй байгаа нь харагдаж байна. Өөрөөр хэлбэл, тохиолдлын тоо нэмэгдэх тусам халдварыг эмчлэх туршилтын үр дүн түргэсэж байгаа юм.
Pfizer компанийнхний өчигдөр буюу Лхагва гаригт мэдээллэсэн вакцины сүүлчийн шатны туршилтын бүрэн үр дүнгээр, тус үйлдвэрийн ковидын эсрэг вакцин 95 хувь үр дүнтэй байсан бөгөөд ямар нэгэн ноцтой гаж нөлөө үзүүлээгүй гэлээ.
Даваа гаригт Moderna урьдчилсан дүгнэлтээр тус компаны үйлдвэрлэх вакциныхаа үр дүн 94.5 хувьтай байгааг тогтоосон гэж мэдээлсэн.
Вакцины сүүлчийн шатны туршилтанд оролцогчид илүү хурдан өвдөх тусам эм үйлдвэрлэгчид өөрсдийн вакцин үр дүнтэй байгаа эсэхийг мэдэх хангалттай мэдээлэл цуглуулдаг. Туршилт нь тодорхой тооны тохиолдол хуримтлагдсаны дараа дуусч, плацебо авсан хүмүүсийн тоо өвчтэй хүмүүсээс хамаагүй давсан тохиолдолд вакцин үр дүнтэй байх юм.
Дэлхийн бусад булан тохой ба Ковид:
- Өмнөд Австрали муж зургаан хоногийн турш хөл хорио зарлалаа. Учир нь, гаднаас ирсэн аялагчдыг тусгаарлаж байсан зочид буудлаас 22 тохиолдол бүртгэгджээ. Албаны хүмүүсийн мэдээллээр ингэснээр хэдэн сарын өмнө Викториа муж улсад гарч байсан дэгдэлтээс зайлсхийнэ гэж найдаж байгаагаа мэдэгдэв.
- АНУ-ын Хүнс ба Эмийн Захиргаа гэртээ өөрсдийгөө шинжлэх боломжтой анхны түргэвчилсэн коронавирусийн тестийг зөвшөөрлөө. Уг шинжилгээ нь ойролцоогоор хагас цагийн дараа үр дүнгээ өгөх боломжтой бөгөөд 50 доллар ба түүнээс бага үнэтэй байхаар тооцож байгаа юм байна.
- Франц улс энэ долоо хоногт коронавирусийн халдвараар илэрсэн хоёр сая тохиолдлыг дамжуулсан Европ дахь анхны улс болсон боловч хөл хориогоор тархалтыг бууруулж эхэлж байна гэж эрх баригчид өөдрөг үзэлтэй байгаагаа илэрхийлэв.
Бү.Лхамаа
