Эм үйлдвэрлэгч Moderna компани Даваа гаригт томоохон судалгааны үр дүнгээ танилцуулж, коронавирусийн эсрэг вакцин 94,5 хувь амжилттай байгааг зарлав.

Судлаачид үр дүн нь төсөөлснөөс ч илүү дээр байсан гэж хэлжээ. Гэхдээ энэ вакциныг 2021 оны эхний сарууд хүртэл өргөн ашиглах боломжгүй байгаа юм байна. Тус компани хэдэн долоо хоногийн дотор АНУ-ын эмийн байгууллагуудаас яаралтай зөвшөөрөл авах өргөдөл гаргахаар төлөвлөж байгаа аж.  

Арванхоёрдугаар сард 20 орчим сая хүнд хүрэлцэхүйц хэмжээний вакцин бэлэн болох бөгөөд эхний тун нь эрүүл мэндийн ажилтнууд, асрамжийн газрын оршин суугчид гэх мэт өндөр эрсдэлтэй хүмүүст зориулагдсан.

Модернагийн хэлснээр вакцин нь урьд өмнө мэдээлж байснаас илүү удаан хадгалагдах нөхцөл нь сайжирчээ. Энэ вакциныг хөргөгчинд 30 хоног, өрөөний температурт 12 цаг хадгалах боломжтой юм. Ингэснээр хадгалах, ашиглахад илүү хялбар болно.

Moderna-ийн мэдэгдэл Pfizer BioNTech-тэй хамтран вакцинаа 90 гаруй хувь үр дүнтэй гэж мэдээлснээс хойш долоо хоногийн дараа гарлаа. Бусад арван компани 3-р үе шатны томоохон туршилтуудыг хийж байгаа бөгөөд үүнд Хятад, Орос, Энэтхэг, Австралийн хүчин чармайлт орно.

Дэлхийн зах зээл Даваа гаригт Модерн вакцин болон Ази, Номхон далайн шинэ чөлөөт худалдааны хэлэлцээрийн аль алиных нь нөлөөнөөс шалтгаалж өсөлттэй байв.

Дэлхийн бусад орнууд ба Ковид: 

• Энэтхэг улс нийслэлд коронавирусийн тархалтыг зогсоохын тулд эмч нараа Нью-Делийн бүс рүү нисгэж, шинжилгээнийхээ тоог хоёр дахин нэмэгдүүлж, маск зүүхийг баталгаажуулна гэж Энэтхэгийн дотоод хэргийн сайд Ням гаригт мэдэгдэв. 

• Их Британи Ковид-19-тэй байлдсанаас хойш долоон сарын дараа Их Британийн Ерөнхий сайд Борис Жонсон хууль тогтоогчтой холбоо тогтоож, дараа нь вирусийн халдвар авсан нь тогтоогдож хорио цээр тогтоож байна гэж мэдэгджээ. Түүнд ямар нэгэн шинж тэмдэг илрээгүй гэж түүний ажлын албанаас мэдээлэв. 

• Хотын аялал жуулчлалыг сурталчлах агентлагийн шинэ урьдчилсан мэдээгээр, цар тахлын улмаас үүссэн чөлөөт уналтаас ангижрахын тулд Нью Йорк хотын аялал жуулчлалд дор хаяж дөрвөн жил шаардагдана.

Бү.Лхамаа