АНУ болон Хятадын харилцаа хоёр улсын хувьд төдийгүй дэлхийн нийтийн уур амьсгалд чухал нөлөөтэй юм.
Сүүлийн үед худалдааны маргаан зөрчил, цар тахал зэрэг асуудлуудаас үүдэлтэйгээр хоёр орны харилцаа муудаад байгаа. Одоогоор Хятадын түнш ОХУ болоод буй.
Долоохон хоногийн өмнө БНХАУ-ын дарга Ши Зиньпин АНУ-ын ерөнхийлөгчийн сонгуульд ялалт байгуулаад байсан Жо Байденийг хүлээн зөвшөөрөхгүй, "АНУ-ын хууль, журам"-ыг бид ажиглана гэж мэдэгдэж байв.
Харин өнөөдөр Жо Байденыг ялалтаа бататгасны дараа Хятад улсын засгийн газар баяр хүргэжээ.
Мэдэгдэлд “АНУ-ын ард түмний сонголтыг бид хүндэтгэж, ноён Байден, хатагтай Харрис нарт баяр хүргэж байна” гэсэн байна.
Одоогийн байдлаар дэлхийн томоохон улс орнуудаас ОХУ, Бразил, Мексик улсуудын удирдагчид Жо Байдены ялалтыг хүлээн зөвшөөрөөгүй, баяр хүрээгүй байна. Мөн Хойд Солонгосоос ямар нэг мэдэгдэл хийгээгүй байна.
Дашрамд, дөрвөн жилийн өмнө ноён Путин Доналд Трампыг сонгуульд ялсанд хамгийн түрүүнд баяр хүргэж байсан юм. Харин энэ удаад ноён Байден руу твиттер, цахилгаан утас, утасны дуудлага ч ирээгүй байна.
Б.Туяа
