Өчигдөр буюу ням гаригт АНУ 10 сая дахь коронавирусийн халдвар бүртгэгдсэн тухай мэдээлсэн бөгөөд сүүлийн арван хоногийн дотор нэг сая гаруй нэмэгджээ.

Цар тахал эхэлснээс хойш тус улс хамгийн өргөн тархсан халдварын давалгаатай тэмцэж байна. Долоон хоногийн шинэ тохиолдлын дунджаар өдөрт 100,000-ыг давж, бусад бүх улсаас хамаагүй өндөр болж, 50 саяд дөхөж буй дэлхийн нийт тохиолдлын тавны нэгийг АНУ эзэлж байна. Эмнэлэгт хэвтэлт болон нас баралтаараа ч мөн “гаарч” байгаа юм.  

Грийт Лайк, Грийт Плайк, болон Вэст моунтан мужууд сүүлийн үеүдэд халдварын тоо хурдацтай өсөж байна. 

Бусад орнуудад цар тахал:

• Английн хатан хаан II Элизабет Лхагва гаригт дурсгалын ням гаригийн өмнөх бэлтгэлийн үеэр хувийн ёслол дээр анх удаа олон нийтийн газар нүүрний маск зүүж харагдав.
• Камбож улс саяхан сургуулиудыг буцааж нээсэн боловч харамсалтай нь эргээд карантиллаа. Ингэснээр болзошгүй эрсдлээс урьдчилан сэргийлж байгаа юм. Учир нь Унгарын Ерөнхий сайд өнгөрсөн долоо хоногт тус улсад хийсэн айлчлалын дараа өгсөн шинжилгээний хариу эерэг гарсан байна. Унгарын удирдагчтай уулзсан Ерөнхий сайд Хун Сен болон бусад албаны хүмүүс хорио цээрийн дэглэмд оржээ. 
• Усны булгад коронавирусийн мутац илэрсэн тул Дани улсын усны булгын аж ахуйн бүх булгыг устгахаар болсон байна. Энэ явдлаас үүдэн эрдэмтэдийн дунд “коронавирусийн мутаци эмгэг төрөгч бусад зэрлэг болон гэрийн амьтдад тархах вий” гэсэн болгоомжлол улам хурцтав.

Бү.Лхамаа

Эх сурвалж: nytimes.com