Арабын Нэгдсэн Эмират улс (АНЭУ) тус улсын Исламын хууль тогтоомжийг шинэчлэх ажлын хүрээнд гэр бүлийн хүчирхийлэл-эмэгтэйчүүдийг хөнөөсөн тохиолдолд оноох ялыг чангатгалаа.

АНЭУ-ын засгийн газар шүүгчид ийм аллага үйлдсэнийх нь төлөө хөнгөн ял оноохыг зөвшөөрсөн хуулийг цуцална гэж мэдэгджээ.

Хохирогч эмэгтэйчүүдийн ихэнхи нь хамаатан садныхаа нэр хүндийг гутаан доромжилсон гэж ойр дотныхон нь үзсэний улмаас хүчирхийлэлд өртөж, амь насаараа хохирдог байна. Ийм гэмт хэргийг одооноос аллага хэмээн үзэх болно гэж АНЭУ-ын засгийн газар мэдэгдэв.

Хүний эрхийн байгууллагууд дэлхий даяар жил бүр мянга мянган эмэгтэйчүүдийг гэр бүлийнхээ нэр хүндийг ичгүүрт хүргэсэн гэж үздэг тул амь насаа алддаг гэдэг. Тэд энэ төрлийн аллагын нийтлэг нэг шалтгаан нь гэрлэлтээс гадуурх бэлгийн харьцаанд орох гэж үздэг. Ийм аллагыг заримдаа "нэр төртэй аллага" гэж нэрлэдэг боловч энэ тайлбараар үхлийг дүрслэх нь зохисгүй гэж шүүмжилдэг хүмүүс бий. Ийм аллагад хатуу ял оноож байгаа нь АНЭУ-ын "Эмэгтэйчүүдийн эрхийг хамгаалах хатуу тууштай байдал" -ыг харууллаа гэж албан ёсны WAM мэдээллийн агентлаг мэдээлэв.

Персийн булангийн улсуудын эрх зүйн хуульд оруулсан нэмэлт өөрчлөлт нь Ерөнхийлөгч Шейх Халифа бин Зайед Аль Нахаяны бямба гаригт баталсан багц шинэчлэлийн нэг байсан гэж WAM мэдээлэв.

Шинэчлэлийн нэг нь тус улсад оршин сууж буй гадаадын оршин суугчдад өв залгамжлал, гэрээслэлээ өөрсдөө сонгох, хуулиар сонгох эрх олгох юм.  Ингэснээр тус улсад байгаа гадаадын хөрөнгө оруулагчдын санхүүгийн тогтвортой байдалд хүрэх юм байна.

Арабын Нэгдсэн Эмират Улс "Бусдад хор хөнөөл учруулахгүй үйлдэл" -ийг гэмт хэрэгт тооцно гэж WAM нэмж дэлгэрэнгүй мэдээлэл өгөхгүйгээр мэдэгдэв. WAM-ийн хэлснээр шинэчлэл нь "Нийгэмд хүлээцтэй байх зарчмуудыг бий болгоно" гэжээ.

Энэхүү мэдэгдэл нь АНЭУ, Израилийн хоорондох дипломат харилцааг хэвийн болгох АНУ-ын зуучлалаар байгуулсан түүхэн хэлэлцээрийн дараа гарчээ.

Дашрамд, цэргийн хүчирхэг улс болж чадсан АНЭУ руу аялал жуулчлалыг хөгжүүлэхээс гадна бизнес эрхлэх эсвэл амралтаараа аялах боломжтой болж байгаа юм.

Бү.Лхамаа

Эх сурвалж: bbc.com