Жо Байден муж улсуудаас 273 санал цуглуулж, хатагтай Харристай цуг ялалт байгууллаа. 

Дэд ерөнхийлөгч асан Жо Байдэн Пеннсильванийн өргөн чөлөөнд байрлах Цагаан ордонд тавилгаа зөөгөөд шууд орчихдоггүй тул эхлээд хэдэн зүйлийг хийх шаардлагатай байна.

Мэдээж үе үеийн төрийн тэргүүнүүдийн гэртээ орох, товхинох энэ өдрүүд ихэвчлэн нэгэн жигд явагддаг боловч сонгуультай холбоотой хууль эрхзүйн хувьд учирч болзошгүй бэрхшээлээс шалтгаалан энэ удаад нэмэлт хүндрэлүүд гарч байна.

Үүнээс гадна нэгэн бахархалтай шинэ түүх бичигдэж буй нь маш олон “анхны” гэх тодотголтой дэд ерөнхийлөгчтэй болж буй юм. Эмэгтэй хүн дэд ерөнхийлөгчөөр сонгогдсон түүхэн үйл явдлыг тэмдэглэж буй хүмүүс олон нийтийн сүлжээнд шуугиан тарьж байна. 1972 онд Ширли Чисхолмоос 2008 онд Сара Пэйлин, 2016 онд Хиллари Клинтон хүртэл олон олон эмэгтэйчүүд үе үед энэхүү замыг засалцаж ирсэн билээ. 

Яг энэ цаг мөчид (Улаанбаатарын цагаар өглөөний 09 цаг) шинэхэн ерөнхийлөгч болон дэд ерөнхийлөгч ард түмэндээ хандан анхны үг хэлж байна. 

Харин хэдхэн цагийн өмнө Байденыг сонгуульд ялсныг сонсоод Цагаан ордон хэвлэл мэдээллийн хэрэгслийг таглаж, Ерөнхийлөгч энэ өдөр дахин олон нийтийн арга хэмжээ зохион байгуулахгүй гэсэн юм.

Вашингтонд ажиллаж буй BBC-ийн сурвалжлагч Тара МакКелви Трампыг мэдээллэхдээ "Номхруулсан мэт санагдсан" гэж байсан. Тиймээс хэсэгтээ тэрээр яаран олны өмнө үг хэлж харагдахгүй нь ээ. Түүний оронд тэрээр твиттер хуудсандаа жиргэж, Байденыг сонгуульд ялсныг үгүйсгэж, сонгууль будлиантуулсан гэх зэргээр ямар ч нотлох баримтгүй “гоншгонож” байна гэсэн юм. 

Бү.Лхамаа

Эх сурвалж: bbc.com