АНУ-ын ерөнхийлөгчийн сонгууль энэ сарын 3-нд боллоо. Мэдээж Америкийн иргэдийн саналын үр дүн дэлхий нийтийг хүлээлтэд оруулаад буй. Одоогоор үлдсэн зургаан мужид саналын хуудсыг тоолох ажил үргэлжилж байна.
Харин Twitter цахим сүлжээ сонгууль болсноос хойш, сүүлийн гурван хоногийн хугацаанд Ерөнхийлөгч Дональд Трампын 12 жиргээг нуусан байна.
Тодруулбал, тус жиргээнүүд нь сонгууль явуулж буй болон сонгуулийн дүн гаргаж буй байгууллагуудын талаар хэрэглэгчдийг төөрөгдүүлж болзошгүй, маргаан дагуулсан утга агуулсан гэж үзсэн байна.
Ерөнхийлөгч Трампын сүүлийн жиргээнд “Хууль ёсны саналуудыг тоолбол би сонгуульд төвөггүйхэн ялна. Ажиглагчдыг ямар нэгэн арга зам, хэлбэрээр ажлаа явуулахыг нь зөвшөөрөөгүй тул энэ үеэр шуудангаар явуулсан санал хураалтыг хууль бус гэж үзэх ёстой” хэмээн бичсэн байна.
