Пеннсильвани мужийн санал тоолж дуусахад 2 хувь үлдээд байна. Хэрэв ноён Байдэн Пеннсильванид ялбал Цагаан ордонд орох түлхүүрээ авах юм. 

Мөн Ардчилсан нам Жоржиа мужид 99 хувийн санал тоологдчихсон байгаа энэ үед ялимгүй тэргүүлж байгаа боловч тэндхийн албан тушаалтнууд дахин тоолох болно гэж мэдэгдэв. 

Жо Байден Невада, Аризонад багахан зөрүүгээр ялж байгаа бөгөөд эдгээр мужууд Цагаан ордонд илүү олон замыг гаргаж өгч болох юм. 

Санал тоолж дуусаагүй байгаа ч Ерөнхийлөгч Дональд Трамп сонгуульд ялсан гэдгээ дахин зарлав. Тэрээр тодорхой нотлох баримт гаргаж ирэлгүйгээр “Шуудангаар ирсэн саналын хуудсан дахь асар том авлига, луйвар”-д гомдоллож байна. Жо Байден сонгогчдын саналыг тоолж байх үед хүмүүс тайван байх ёстой гэж хэлээд ялалтандаа эргэлзэхгүй байна гэжээ.

Нийт сонгогчдын ирц 120 жилийн хугацаанд хамгийн өндөр буюу 66.9% байх төлөвтэй байна. 

Байдэний дэмжигчид Пилиделпиа мужид, Трампын кампанитынхан сонгуулийн сурталчилгааны турш ашигласан дуун дээр бүжиглэж байна. 

Харин Аризонагийн Марикопа тойргийн сонгуулийн хэлтсийн гадаа бослого гарч байна. Одоогийн байдлаар ноён Байден тус мужид 1.3 хувиар тэргүүлж байгаа бөгөөд 93 хувийн санал тоологджээ. Аризона бол "Галт зэвсэг нээлттэй зөөвөрлөх" муж бөгөөд энэ нь олон нийтийн газар буу авч явах боломжтой гэсэн үг юм. Энэ бослогод ирсэн олон хүмүүс зэвсэглэсэн байв.   

Харин энэ үеэр Цагаан ордон амар жимэр байгаа аж. Трампын хэд хэдэн албан тушаалтан BBC-ийн АНУ дахь түнш байгууллага CBS News-т өнөөдөр Цагаан ордонд уур амьсгал нэг л тайван байна гэж мэдэгдэв. Ерөнхийлөгчийн зарим туслахууд өнөөдөр ажилдаа ирээгүй бөгөөд уур амьсгал "маш хоосон" байна гэж CBS мэдээлэв. 

"Маш олон ширээ хоосон байна. Нэг л аймаар санагдаж байна. Зарим ажилтнууд Цагаан ордны гадаа, гар утсаараа ганцаар ярьж, тойрон алхаж байна" гэж BBC-н Цагаан ордонд ажиллаж байгаа Тара Маккелви хэллээ. 

Бү.Лхамаа 

Эх сурвалж: bbc.com