АНУ-ын Ерөнхийлөгчийн ээлжит сонгуулийн санал хураалт 11 дүгээр сарын 03-нд дуусаж дүнгээ гаргах ёстой боловч шуудангаар түүхэнд байгаагүй их санал ирсэн тул саналын дүн хойшилж гарч магадгүй байгаа.

Одоогийн байдлаар 90 гаруй сая хүн шуудангаар саналаа илгээжээ.

Сонгуулийн сүүлийн өдрүүдэд нэр дэвшигчид юу хийж яваа талаар сонирхуулъя.

Трамп шүд хавирам хүйтэнд ч сонгуулийн сурталчилгаагаа гадаа хийж, үзэл санаагаар түүнийг дэмжигч мянга мянган дэмжигчид эрчээ авч буй ковидыг үл харгалзан цугларч байна. Энэ өдөр Доналд Трамп Мичиган мужид болон Айова мужийн Дюбюк хотод сонгуулийн сурталчилгаагаа үргэлжлүүлсэн бөгөөд “Хил хязгаар, шүүхийн томилгоо, эх оронч хүмүүжил, саран дээрх анхны эмэгтэйг аюулгүй байлгах, Гарсныхаа дараа урьдынхаараа үйлдвэрлэлийг нэмэгдүүлэх, миний засаглалын үед эдийн засаг урьд байгаагүйгээрээ өссөн” гэх зэргээр чөлөө завгүй өөрийгөө магтаж, урьдынхаараа баримт нотолгоогүйгээ амлалтаа үргэлжлүүллээ.

Тэрээр Ковид-19-н талаар үг хэлэхдээ дэмжигчдэдээ хандан "Байдены үхлээ хүлээсэн онц байдалыг сонгох уу" эсвэл "цар тахлыг зогсоох аюулгүй вакцин уу" гэсэн хоёр хувилбарын аль нэгийг сонгох хэрэгтэй гэв. Мөн тэрээр Америкийн түүхэн дэх хамгийн аюулгүй хил, илүү консерватив шүүгчдийг амлав. Жагсаалд түүний охин Иванка Трамп, туслах Хоуп Хикс, Цагаан ордны хэвлэлийн төлөөлөгч асан Сара Хакаби Сандерс зэрэг Трампын хэд хэдэн нэр хүндтэй дэмжигчид гарч ирэв. Айова хотод айлчлах нь Де Мойн дахь бүртгэлийн газраас явуулсан мужийн шинэ санал асуулгаас хэдэн цагийн дараа болсон бөгөөд Медиаком ерөнхийлөгч тус муж дахь Ардчилсан намаас өрсөлдөгчдөө тэргүүлэх байр суурьтай байгааг харуулж байна.

Энэ өдөр Трамп таван өөр газар жагсаал хийхээр төлөвлөсөн байсан. Мичиган мужид болсон сурталчилгааны үеэр, Трамп дүрвэгсдийг тус муж дахь "асуудал" гэж дурьдаад, ийм хүйтэн цаг агаар ирээдүйн цагаачдыг холдуулах болно гэж хэлэв. "Ийм цаг агаартай юм чинь та нар дүрвэгсдэд санаа зовох хэрэггүй дээ. Тэртээ тэргүй тэд хэзээ ч ирэхгүй" гэж тэр олон хүмүүсийн дунд хошигнов. "Би бараг хөлдөх нь байна! Би даруй Сири рүү буцмаар байна" гэж Трамп хэлэв.

Харин энэ хооронд Жой Байден Ерөнхийлөгч Трампын Латин Америкийн орнуудтай харьцаж буй зан авирыг хүчтэй шүүмжилж, түүнийг "харгис хэрцгий үйлдэл" гаргалаа гэж буруутган, хэрвээ өөрөө сонгогдвол өөрчлөнө гэж амлав.

АНУ-ын өмнөд хил дээр цагаач хүүхдүүдийг эцэг эхээс нь салгаж, Пуэрто-Рикод болсон хар салхины эсрэг ноён Трампын хариу үйлдлийг иш татан шүүмжлэв. Ноён Байден испани хэлээр бичсэн жиргээндээ "Ноён Трамп латин гэр бүлүүдийн нэр төрд дахин халдсан", "Намайг ерөнхийлөгч байх үед энэ зүйл дуусна" гэж тэр хэллээ. Латинчууд энэ жил анх удаагаа хамгийн том арьс өнгө, угсаатны цөөнхийг бүрдүүлж, 32 саяуулаа саналаа өгөх тул урьд өмнөх жилүүдээс илүү өндөр ач холбогдолтой юм.

Бү.Лхамаа