ОХУ-ын Ерөнхийлөгч Владимир Путин ням гаригт хэлсэн мэдэгдэлдээ АНУ-ын ерөнхийлөгчийн сонгуульд нэр дэвшигч Байдены өмнөх жилүүдэд Украин болон ОХУ-тай хийсэн бизнесийн харилцаанд Дональд Трампын хэлсэн шиг тийм гэмт хэргийн агуулга байхгүй гэлээ. 

Путины энэхүү мэдэгдэл нь АНУ-ын ерөнхийлөгчийн сонгуулийн телевизийн сүүлийн мэтгэлцээний үеэр Трампын хэлсэн үгэнд хариулж буй явдал юм. Трамп мэтгэлцээний үеэр ноён Байден болон түүний хүү Хантер нарыг Украинд ёс зүйгүй үйлдэл хийсэн гэж буруутгасан. Харин Жой Байдений зүгээс энэхүү мэдээллийг нотлогдоогүй хуурамч мөн нэр хүндэд халдаж байгаа хэрэг гэж тайлбар хийлээ. 

Өмнө нь Трамп Москватай илүү сайн харилцаа холбоо тогтоохыг хүсч байгаа хэмээн магтаж байсан Путин, Орос улс АНУ-ын аль ч удирдагчтай хамтарч ажиллана гэдгээ мэдэгдлээ.

Ням гаригт Оросын төрийн телевизийн нэвтрүүлэгт оролцохдоо Путин Трамптай тийм ч найрсаг харагдсангүй. Энэ нь магадгүй Жой Байдены хуаранд таалагдахыг хичээх гэсэн оролдлого гэж зарим шинжээчид үзэж байна. 

Тэрээр ярилцлагандаа, "Тийм ээ, Украйнд тэр [Хантер Байден] бизнестэй байсан ч юмуу, эсвэл ч байж магадгүй, би мэдэхгүй. Энэ нь бидэнд хамаатай асуудал биш. Энэ бол америкчууд болон украинчуудад л хамаатай", "Жой Байдан болон түүний хүү Украйнд дор хаяж нэг компанитай бөгөөд тэр компани бизнесдээ магнат байсан. Сайн мөнгө олдог байсан байх. Гэхдээ бид энэ дүр зургаас ямар ч гэмт үйлдэл олж харахгүй байна. Мөн бид энэ талаар юу ч мэдэхгүй" гэж Путин хэллээ.

Трамп Путины Москвагийн хуучин захирагчтай холбоотой тайлбарууд болон Хантер Байдены экс хотын захирагчийн бэлэвсэн эхнэрт өгсөн гэх төлбөрийн талаар Трампаас өгсөн тайлбарыг асуухад Путин илт цочромтгой хариу үйлдэл үзүүлэв. 

Путин Хантер болон экс хотын захирагчийн бэлэвсэн эхнэр хоёрын хооронд ямар нэгэн арилжааны харилцаа байдаг талаар юу ч мэдэхгүй гэдгээ мөн хэлэв. Мөн Жой Байден хүүгээ буруутгаж байгаа нь үнэн биш гэж мэдэгдэв.

АНУ-ын тагнуулын байгууллагууд Оросыг 2016 оны АНУ-ын ерөнхийлөгчийн сонгуульд өрсөлдөөнийг Трампын талд байрлуулахын тулд хөндлөнгөөс оролцохыг оролдсон гэж дүгнэснийг Москва үгүйсгэж байна. ОХУ мөн АНУ-ын тагнуулын байгууллагуудын энэ жилийн сонгуульд хөндлөнгөөс оролцохыг оролдсон гэж буруутгаж байгааг няцаав.

Бү.Лхамаа