Перугийн өмнөд хэсгээс 2000 гаруй жилийн өмнөх уулын энгэрт сийлсэн асар том муурны дүрс оллоо гэж тус улсын Соёлын яам мэдээлжээ.
37 метр (121 фут) хөндлөн огтлолтой энэхүү эртний геоглиф нь Лимагаас өмнө зүгт 250 миллд өндөрлөг газар дээр сийлсэн олон зуун нууцлаг уран зургийн цуглуулга болох Назка шугамын нэг хэсэг юм.
Өнгөрсөн зууны туршид тус бүс нутгийн ландшафтаас колибр, сармагчин, хотон шувууны дүрс багтсан олон зуморфик зургууд олдож байсан. Энэхүү нээлтийг жуулчдад хэдийнээ танигдсан ажиглалтын цэг дээр засвар үйлчилгээ хийх үеэр нээж илрүүлсэн байна.
"Энэ зураг бараг харагдахгүй байсан бөгөөд нэлээд эгц налуу дээр байрлаж байсан учраас байгалийн элэгдэл эвдрэлийн нөлөөгөөр бараг л алга болох гэж байсан" гэж яамны хэвлэлийн төлөөлөгч дурьдсан байна.
Археологчид цэвэрлэх, хамгаалах ажлууд хийсний дараа өргөн нь 30-40 см (12-16 инч) хооронд хэлбэлзэж байгааг олж илрүүлжээ. Уран бүтээлийн хэв маяг нь Паракасын сүүлч үе болох МЭӨ 200-100 оны хооронд бүтээгдсэн болохыг харуулж байна.
Назка шугам нь чулуу, хайрганы дээд давхаргыг зайлуулж, доор нь цайвар өнгийн суурь чулуулгийг байрлуулдаг Испаниас өмнөх үеийн хүмүүсээс гаралтай. Энэ бүс нутгаас хүнтэй төстэй цөөхөн тооны дүрс олдсон боловч археологчид амьтан, шувуу, ургамал, өдөр тутмын эд зүйлсийн томоохон хэмжээний дүрслэлийг олж илрүүлжээ. Түүнчлэн спираль, гурвалжин зэрэг хэд хэдэн нууцлаг геометрийн хэлбэр, хэв маягийг цөлийн ландшафтад сийлсэн байсан байна.
Шугам ба геоглифүүд нь ойролцоогоор 450 хавтгай дөрвөлжин км (174 хавтгай дөрвөлжин миль) талбайг хамардаг ба МЭӨ 500 оны хооронд үүссэн. МЭ 500 он гэж ЮНЕСКО-гийн мэдээлснээр уг газрыг 1994 онд Дэлхийн өвийн жагсаалтад нэмж "археологийн хамгийн агуу оньсого" гэж тодорхойлжээ.
Энэхүү олдворын талаар, "Дэлхийн өнцөг булан бүрт байгаа адил төстэй олдворуудаас хамгийн шилдэг геоглифийн бүлэг бөгөөд цар хүрээ, хэмжээ, хэлбэр, олон янз байдал, эртний уламжлалаараа дэлхийн бусад ижил төстэй бүтээлүүдтэй харьцуулшгүй юм" гэж ЮНСЕКО-ийн вэбсайт дээрх танилцуулгад дурьдсан байна. "Төвлөрөл ба зэрэгцэл” энэ мөрүүд, мөн тэдний соёлын залгамж чанар нь ойролцоогоор нэг мянган жил үргэлжилсэн түүхэн, урт хугацааны, чухал бүтээл гэдгийг нь илэрхийлж байгаа юм.
Перугийн археологич Торибио Межиа Кесспе анх 1920-иод онд ландшафтад сийлсэн нууцлаг шугамуудыг нээснээс хойш энэ бүс нутаг түүхчдийн сонирхлыг татсан юм.
1930-аад оны үед агаарын аялал өсөхийн хэрээр, адил төстэй уран олдворууд нээгдэж, судлаачид илүү олон мөрүүдийг илрүүлж, хэрхэн, яагаад бүтээсэн тухай онолыг боловсруулсаар байна.
2019 онд Японы Ямагата их сургуулийн судлаачид 3D дүрсний тусламжтайгаар тус бүс нутагт 140 гаруй геоглиф илрүүлжээ.
Бү.Лхамаа
Эх сурвалж: edition.cnn.com
