“Өлсгөлөнтэй тэмцэх тэмцэлд хүчин чармайлт гаргаж, дайн сөргөлдөөнтэй бүсүүдэд энх тайван тогтоох, өлсгөлөнг дайны зэвсэг болгон ашиглахыг зогсооход гол хүчний нэг болсны төлөө” энэ шагналыг олгосон байна.
Норвегийн Нобелийн хороо энэ жилийн Энх тайвны шагналаа НҮБ-ын Хүнсний хөтөлбөрт (ДХХ) олгохоор шийдсэнийг тус хорооны дарга Берит Райсс-Андерсен баасан гаригт зарлажээ.
Тэрээр "Хоол хүнсээр хангах нь тогтвортой байдал болон энх тайвны ирээдүйг сайжруулахад тусалдаг. Олон улсын энэ нэгдэл даяарчлалын ямар ч дуудлагатай тэмцэхэд ямагт бэлэн байгааг шагнал гэрчилж байна. Өнөөдөр олон талын зарчмаас илүүтэйгээр ДХХ-ийг сонгодог болжээ. НҮБ энд чухал үүрэгтэй" хэлсэн байна.
"Коронавирусийн цар тахал дэгдхийн хэрээр өлсгөлөнгийн хохирогчдын тоог нэмэгдсээр байна. Цар тахлын цагаар ДХХ өөрийн хүчин чадварыг бүрэн дүүрэн нэмэгдүүлж чадлаа гэж үнэлжээ.
"Өвчний вакцин хараахан бүтээгдээгүй байгаа нөхцөлд энэ замбараагүй байдлын эсрэг шилдэг вакцин нь хүнс” гэж тэрээр нэмэн хэлжээ.
Өлсгөлөнг 2030 он гэхэд ялсан байх ёстойг энэ шагнал дахин дахин сануулж буйг НҮБ-ын Хүнсний хөтөлбөртийн төлөөлөгчид онцлон хүлээн авлаа гэжээ.
Дэлхийн хүнсний хөтөлбөрийн тухайд
Дэлхийн хүнсний хөтөлбөр нь дэлхийн томоохон хүмүүнлэгийн байгууллага ба байгалийн гамшиг, байгалийн болон технологийн сүйрэл осол, зэвсэгт мөргөлдөөний хохирогчдод хүнсний тусламж үзүүлэх зорилготой. НҮБ-ын ДХХ-ийг НҮБ-ын шугамаар хүнсний тусламж хүргэн туршихаар 1961 онд байгуулжээ. ДХХ гамшигт учирсан буюу түүний дараа сэргээгдэж байгаа орнуудад хүнсний тусламж хүргэн тусладаг. Анх 1963 онд Суданд туслаж эхэлсэн байв. Этиопын өргөн цар хүрээтэй 1983-1985 онуудын өлсгөлөнгийн үеэр тэнд 2 сая тонн хүнс хүргэжээ. Европын хамггийн анхны том тусламжийг 1992 онд Югославт хүргэж байлаа.
2000 онд мянганы хөгжлийн зорилго тавигдсан ба анхны даяарчлалын төлөвлөгөө зорилт нь ядуурал, өлсгөлөн түүнтэй холбоотой өвчин зовлонгоос салах явдал болж байгаа. 2017-2021 онуудын тэргүүн чиглэл нь өлсгөлөнг устгах тэмцэл юм.
Энх тайвны шагнал - 2020
Энэ жилийн шагналд 211 хүн, 107 байгууллага нийт 318 нэр дэвшилт явагджээ. Энэ тоо нь шагналын түүхэнд дөрөв дэх том хэмжээ болсон байна. Шагналын мөнгө нь 10 сая швед крон болж байгаа.
М.ЦОГТ
