Тэрбумтнууд цар тахлын үеэр хамгийн их амжилтанд хүрч, технологи, аж үйлдвэрийн салбарын дээд түвшний удирдлагууд хамгийн их орлого олжээ.
Дэлхийн хамгийн баян хүмүүсийн хөрөнгө энэ оны дөрөвдүгээр сараас долдугаар саруудад 27.5 хувиар өсч 10.2 триллион ам.доллар болсныг Швейцарийн UBS банкны тайланд дурдсан байна.
Энэ нь 2017 оны эцсээр өмнөх оргил үе болох 8.9 триллион ам.доллараас дээш байгаа бөгөөд дэлхийн хувьцааны үнэ өссөнтэй ихээхэн холбоотой аж. Швейцарийн UBS банк тэрбумтнууд Ковидын хямралын үеэр "туйлын сайн ажилласан" гэж мэдэгдэв.
Түүнчлэн тэрбумтнуудын тоо 2017 онд 2158 байсан бол 2189-д хүрч дээд амжилт тогтоов гэжээ. Мөн Дэлхийн банкны энэхүү тайланд “туйлын” ядуурал энэ жил хорь гаруй жилийн хугацаанд анх удаа өсөх хандлагатай байгааг харуулав.
Тэрбумтнуудын дунд энэ жилийн хамгийн хөрөнгө цуглуулагчид бол үйлдвэрлэгчид байсан бөгөөд тэдний хөрөнгө 7-р сар хүртэлх гурван сарын хугацаанд 44 хувиар өссөн байна.
"UBS" хэлэхдээ "Эдийн засгийн хувьд мэдэгдэхүйц сэргэлт хийх зах зээл (дэлхий даяар зогсонги байдалд орсны дараа) үнэд орсноор салбарынхан харьцангуй ашиг хүртэв" гэж мэдээллэсэн.
Техникийн тэрбумтнууд хөрөнгө чинээ нь 41 хувиар өсч байгаагаас харахад "тэдний бараа, үйлчилгээний титэм вирусээс үүдэлтэй эрэлт" болон нийгмийн тусгаарлалтаас үүдэлтэй "дижитал бизнесийн хэдэн жилийн хувьсал өөрчлөлтийг хэдэн сар болгож хурдасгаж байгаатай холбоотой" гэж мэдэгджээ.
Тус хямрал эм үйлдвэрлэгчид болон эмнэлгийн хэрэгсэл үйлдвэрлэдэг компаниудыг олны анхаарлын төвд оруулснаар эрүүл мэндийн салбарын тэрбумтнууд ч ашиг хүртсэн байна. Ихэнх улс орнууд огцом уналттай хэвээр байгаа ч хөрөнгө мөнгөний өсөлт нь 3-р сарын сүүлээс хойш дэлхийн хөрөнгийн зах зээлийн ерөнхийдөө хүчтэй гүйцэтгэлийг харуулж байна.
Амазоны босс Жефф Безос, Тесла компанийг үндэслэгч Илон Маск нар хоёулаа олон тэрбумтан байсан бөгөөд компаниудынхаа хувьцааны үнийн өсөлтийн ачаар тэдний хөрөнгө энэ зун шинэ дээд цэгтээ хүрчээ.
Сүүлийн 11 жилийн хугацаанд Хятадын тэрбумтнууд хөрөнгөө хамгийн их хувиар нэмэгдүүлж, 2009-2020 оны хооронд 1,146% хувиар өссөн гэж UBS мэдээлэв. Харьцуулбал, мөн хугацаанд Британийн тэрбумтнуудын хөрөнгө ердөө 168 хувиар өссөн байна. Гэхдээ хамгийн их баялгийн хуримтлал АНУ-д үлддэг бөгөөд Америкийн тэрбумтнууд 3.5 триллион доллартай тэнцдэг бол Хятадын 1.7 триллион доллартай тэнцдэг. Их Британийн чинээлэг хүмүүс ердөө 205 тэрбум доллартай байхад Герман 595 тэрбум, Франц 443 тэрбум доллартай байна.
Түүнчлэн олон тэрбумтнууд Ковид-19-тэй тэмцэхэд туслахын тулд зарим баялгаасаа хандив өргөсөн гэж мэдээлэв. "Бидний судалгаагаар 2020 оны 3-р сараас 6-р сар хүртэл 7.2 тэрбум доллартай тэнцэхүйц хэмжээний хөрөнгийг олон нийтийн сайн сайхны төлөө зориулж хандив өргөсөн 209 тэрбумтан байна" гэж тайланд дурджээ.
"Тэд гамшгийн хор уршгийг арилгах, үр дүнд хурдан хүрэх, тэтгэлэг авагчдад санхүүжилтийг хэрхэн хамгийн сайн ашиглахаа шийдэх боломжийг олгох үүднээс буцалтгүй тусламж үзүүлсэн байна” АНУ-д 98 тэрбумтан 4.5 тэрбум доллар, Хятадад 12 тэрбумтан 679 сая доллар, Австралид ердөө хоёр тэрбумтан 324 сая доллар хандивлажээ.
Харин Их Британид есөн тэрбумтан ердөө 298 сая доллар хандивлажээ.
Бү.Лхамаа
