НАСА олон улсын сансрын станцад (ОУСС) шинэ хүндийн жингүй жорлонг туршилтаар ажиллуулах гэж байна.
Биеэс гарсан ялгадсыг соруулж авах, 23 сая доллар буюу 17.8 сая фунт үнэтэй жорлонг ачааны онгоцоор станц руу илгээх юм байна.
НАСА, энэхүү "вакум систем" нь өмнөх загваруудаас эмэгтэй сансрын нисгэгчдийн тав тухыг хангаж чадснаараа ялгаатай хэмээн тодотголоо.
Тус ариун цэврийн байгууламж нь вакум системийг ашиглан хүндийн жингүй орчинд ялгадсыг биеэс соруулж авах юм. Нууцлалын хувьд ариун цэврийн өрөө нь дэлхий дээрх олон нийтийн угаалгын өрөөтэй адил кабин дотор байрлах аж.
НАСА "энэ жорлон нь ОУСС-ийн АНУ дахь хэсэгт байгаа байгууламжуудын шинэчлэлтийг илэрхийлж байна" гэжээ. 45 кг жинтэй, 71cm өндөртэй бие засах газар нь одоо ашиглаж байгаагаас 65 хувиар бага, 40 хувиар хөнгөн байна. Загвар зохион бүтээгчид эмэгтэй сансрын нисгэгчдийн тав тухыг илүү анхаарч үзсэн. "Манай төслийн томоохон хэсэг нь эмэгтэй багийн гишүүдийн бие засах газрын ашиглалтыг оновчтой болгох явдал байв" гэж тус төслийн менежер Мелисса МакКинли CBS News сувагт ярилцлага өгөхдөө дурьджээ.
Бү.Лхамаа
