Англи улсад нэг удаагийн хуванцар соруул, хутгуур, хуванцар иштэй хөвөн зэргийг хориглох хууль хүчин төгөлдөр боллоо.

Ирэх дөрөвдүгээр сараас хэрэгжиж эхлэхээр болсон байна. Аж ахуйн нэгж байгууллагууд эдгээр эд зүйлсийг зарах, нийлүүлэхийг хууль бус гэж үзэж аж. Англид хүмүүс жилд 4.7 тэрбум хуванцар соруул, 316 сая хуванцар хутгуур, 1.8 тэрбум хуванцар иштэй хөвөн хэрэглэдэг гэсэн тооцоо байдаг.

Байгаль орчныг хамгаалах кампанит ажилчид уг хоригийг нааштай хүлээж авсан боловч цаашид нэг удаагийн хэрэглээнд хатуу хяналт тавихыг уриалав.

Тэд мөн эдгээр зүйлс нь хүрээлэн буй орчныг бохирдуулж буй хуванцар хог хаягдлын зөвхөн "хэсэг"-ийг бүрдүүлдэг гэдгийг сануулсан юм.

Энэхүү хориглолтонд эмнэлэг, баар, зоогийн газруудад хөгжлийн бэрхшээлтэй иргэдэд тус эд зүйлс шаардлагатай тохиолдолд л зөвшөөрөгдөхөөр тусгагдсан байна. 

Засгийн газрын Байгаль орчны нарийн бичгийн дарга Жорж Юстис "Нэг удаагийн хуванцараас үүдэлтэй байгаль орчны "сүйрэл" -тэй тэмцэхийн төлөө цаашид ч тууштай зүтгэнэ" гэж мэдэгдлээ.

"Дэлхийн найз нөхөд"-ийн Сион Элис Уильямс хэлэхдээ "Өндөр албан тушаалтнууд" дахин ашиглах боломжтой зүйлсийг хэрэглээнд дадал болгохын тулд нэг удаагийн бүх материалаас татгалзаж, энэ "соёл"-ыг нэвтрүүлэхийн тулд илүү их зүйл хийх ёстой" гэжээ.

Байгаль орчныг хамгаалах чиглэлээр үйл ажиллагаа явуулдаг ClientEarth нийгэмлэгийн Татьяна Лужан, соруул, хуванцар иштэй хөвөн, хутгуур нь "тэнд байгаа хамгийн явуургүй хуванцарууд" байсан бөгөөд эдгээрийг хориглох нь "ямар ч ашиггүй зүйл" гэж хэлэв. Гэхдээ тэд нэг удаагийн хуванцар бүтээгдэхүүний "өчүүхэн хэсэг" л өөрчлөгдлөө гэж нэмж хэлээд Ирланд, Франц зэрэг орнууд дахин ашиглах боломжтой сав баглаа боодол, хадгаламжийг буцааж өгөх схемд "илүү их анхаарч байгааг" цохон тэмдэглэжээ.

Ноён Юстис "Засгийн газар хуванцар ундааны савыг дахин боловсруулахыг дэмжих зорилгоор байгууламж барих төлөвлөгөө боловсруулж байна" гэлээ.

Уэльсийн засгийн газар мөн ийм төрлийн хуванцар материалыг хориглох асуудлыг хэлэлцэж байгаа юм байна.

Бү.Лхамаа