АНУ тун удахгүй 46 дахь ерөнхийлөгчөө сонгох гэж байна. Орон нутгийн цагаар өнгөрсөн Мягмар гаригт ерөнхийлөгчийн сонгуульд өрсөлдөгч одоогийн Ерөнхийлөгч Доналд Трамп, дэд ерөнхийлөгч асан Жой Жозеф Р.Байден нарын анхны мэтгэлцээн боллоо.

Мэтгэлцээний турш гаргасан, ерөнхийлөгч Трампын үйлдэл “Америк ардчилсан хэвээр оршин тогтнож байна уу” гэдэг асуултыг дэлхийн нийтээс асуухад хүргэлээ. Нью-Ёорк Таймс дэлхийн өнцөг булан бүрт суугаа зарим дипломат сурвалжлагчдын үзэл бодлыг дараах байдлаар нэгтгэжээ.

Олон нийт ерөнхийлөгч Трампыг хөтлөгч болон өрсөлдөгчөө үл хүндэтгэсэн, бухимдсан, бусниулсан байдлыг нийтээрээ “буруушааж” байна. Мэтгэлцээний дундуур ноён Байден Трампыг "алиалагч" гэж нэрлээд "дуугүй бай л даа" гэж аргаа баран гуйсан юм.

Коммунист намын “Global Times” сонины редактор Ху Сижинь “АНУ-ын улс төрийн дээд цэг дээр ийм эмх замбараагүй байгаа нь АНУ-ын нийгмийн хуваагдал, түгшүүр, АНУ-ын улс төрийн системийн тэнцвэргүй байдлыг улам бүр алдагдсныг харуулж байна” гэж бичжээ.

Зарим хүмүүс энэ үйл явдлаас үүдэн “хэдийнэ ардчиллаа алдчихаж” хэмээн эмгэнэн гашуудаж байна. Токиогийн Их сургуулийн Америк судлалын профессор “Америк шаварт хутгалдсан мэт хэв маягаас болж живж байна” гэсэн байна.

Мэдээж эцсийн дүндээ Америкийн сонгогчид асуудлыг шийдэх хэдий ч сонгууль, улс төр хэдий нь хяналтаас гарах гэж байна гэдэгтэй Европын ихэнх сэтгүүлчид санал нэг байгаа бөгөөд энэхүү мэтгэлцээн нь Америкийн ардчиллын муу хэлбэрийг харуулж байна." гэж Берлин дэх Германы Маршал сангийн шинжээч Ульрих Спек хэлэв. Мөн тэрээр “Америкт улс төрийн санал зөрөлдөөнтэй байсан ч "маргаан мэтгэлцээн буулт хийх замаар шийдэгдэж, бүгд найрамдах улс хэвээр байна", "энэ хүч ямар нэгэн ёс суртахуунтай нягт холбоотой” гэж нэмж бичжээ. 

Олонх хүмүүс Ноён Трамп санал хураалтыг луйвраар бохирдуулна гэж таамгалаж байсан бол одоо сонгуулийн үйл явцын бүрэн бүтэн байдалд хамгийн ихээр, шууд заналхийлж байгаа том аюул нь Ерөнхийлөгч өөрөө хэмээх боллоо.

Б.Лхамаа