Олон тооны судалгааны нэр заримдаа зугаатай сонсогдоно. Гэхдээ тэднээс шинжлэх ухааны ноцтой үндэслэлийг олж болно.
Мэдлэгийн үнэр
Энэ талаар ямар судалгаа хийгдэв? Немецийн сэтгэл зүйчид сурагч нарт сарнай үнэрлүүлжээ.
Яах гэж ийм судалгаа хийсэн бэ?
Үнэрлэх, ой санамж хоёрын нягт холбооны тухай аль эртнээс ярьж байгаа. Үүнд л хариу өгөхийн тулд нэг ангийн сурагчдад сарнайн үнэртэй савх өгөөд партанд нь байлгаж, унтахад нь дэргэд нь тавьжээ. Судалгаанд хоёр анги хамруулсан бөгөөд нөгөө ангийг ердийнхөөр нь байлгасан байна. Дараа тэд шинэ материалыг хэрхэн тогтоосныг харьцуулж үзжээ. Эхний анги нь илүү үр дүнг харуулсан байв. Энэ үр дүнг ой санамжийг хариуцсан үнэрийн төвүүдтэй холбоотой тархины хэсэг гиппокампын үйлчилгээ идэвхижсэнээр тайлбарлаж болно.
Хайр ба ялаа
Энэ талаар ямар судалгаа хийгдэв? Японы физиологичид харанхуйд дрозофил ялааг байлгажээ. Яагаад үүнийг хийв? Үржилтээ бэлэн биш дрозофил ялааны эрэгчинг эмэгчинтэй нийлүүлэн үүнийг хийхэд эрчүүд нь стресст орон шинэ харьцаанд орох сонирхолгүй байлаа. Гэхдээ хосоо олох сонирхол тэднийг харанхуй орчинд байлгасан хоёр хоногийн дараа үүссэн байна. Харанхуйд дурсамжийг бэхжүүлэх пептид буурдаг болж таарсан байна.
Тэвчээртэй толгой хөлтнүүд
Энэ талаар ямар судалгаа хийгдэв? Европын биологичид каракатица гэх толгой хөлтнүүдэд “зефирийн тест” хийжээ.
Яах гэж үүнийг хийв? Алдартай "Стэнфордын зефирийн туршилт" нь дараа нь шагнал авахын тулд амттанаас татгалздаггүйг харуулсан. Гайхалтай нь далайн зарим нэг нялцгай биетнүүд харууллаа. Толгой хөлтөн каракатица гэдэг амьтаныг тэдний дуртай биш хавчаар өглөө нь хооллон орой нь тэдний дуртай сам хорхойгоор хооллоход тэд өглөө нь гэдсээ дүүргээд байсангүй оройн хоолоо хүлээж байсан нь тогтоогдсон байна.
Харин энэ цагаар...
- Америкийн нийгэм судлаачид шашингүй хүмүүс гэртээ амьтан тэжээх дуртайг мэдэж авчээ. Тэд нэн ялангуяа мууранд их дуртай нь байсан байна.
- Өмнөд Африкийн биологичид оцон шувуунд микрофон зүүн тэдний усан доорхи яриаг анх удаа бичин авчээ.
- Австралийн палеонтологичид балар эртний хуруутай амьтдын ул мөрийг олжээ. Тэдний ургацууд 380 сая жилийн өмнө амьдарч байсан сарвуут загаснаас олджээ.
М.ЦОГТ