Хэсэгхэн хугацаанд нам жим байсан соошл “од” Сүнээ буюу Сүндэрьяа дахин эргэж ирэв. Өчигдөр тэрээр сэтгүүлч Ч.Лодойсамбуугийн “Улаанбал” нэвтрүүлэгт оролцлоо. 

Сүндэрьяа нэвтрүүлгийн үеэр Засгийн газрын Хэвлэлийн албаны даргын урилгаар Засгийн газарт ажиллаж байсан гэж ярьсан билээ. 

Тэгвэл уг мэдээлэлтэй холбогдуулан Засгийн газрын Хэвлэл мэдээлэл, Олон нийттэй харилцах албаны дарга Ц.Ганзориг өөрийн твиттер хуудаснаа байр сууриа илэрхийлжээ. 

Тэрээр “Хэзээ ч ажлын санал тавьж, албандаа ажиллуулж, айлчлалд авч явж байгаагүй. УОК-ын мэдээлэл яагаад гаргаад байгаа талаар би хуулийн байгууллагад хандаж байсан. Эмэгтэй хүн талаас нь нийгмийн үзэн ядалтад өртөөд эрсдэлд орчих вий гэж л санаа зовж байснаас ямар ч холбоо байсангүй”, мөн “Засгийн газар Б.Сүндэръяаг авч яваагүй. БНСУ, ОХУ-н айлчлалуудад бизнес уулзалтад 2 талын хувийн хэвшил оролцоход хувийн хэвшлийг МҮХАҮТ-ийн сонголт, зохион байгуулалтаар авч явсан. Өөрсдөө төлбөрөө төлөөд явсан баримт, зохион байгуулалтыг танхимын ерөнхийлөгчөөс асууж болно” гэжээ. 

Харин Ц.Ганзоригийн илэрхийлсэн мэдээлэлтэй холбогдуулан МҮХАҮТ-ын нарийн бичгийн дарга Т.Дүүрэн “МҮХАҮТанхим нь төрийн айлчлалыг дагалдах хувийн хэвшлийн бизнес группд компани, бизнес эрхлэгчдийг бүртгэж зохион байгуулж авч явдаг. Сүндэрьяа балетын сургуультай холбоо тогтооно гэж бүртгүүлэн бизнес аялалд явсан” гэсэн байна.