Асуулт-Хариулт
Никотины нэг дусал нь бие гүйцсэн адууны амь хөнөөдөг гэдэг үнэн үү?
Яг нарийнаар бол хэдэн дусал нь.
Шүүхийн эмч нарын үнэлгээгээр хүний хувьд никотины 0,8 мг/кг тун үхэл авчирна. Адуунд энэ хэмжээг тусгайлан тогтоож байсангүй. Хүний үхлийн хэмжээнээс аваад үзвэл 500 кг жинтэй адуу 0,4г хоронд үхнэ. Цэвэр никотины нягтрал нь усны нягтралтай бараг адилхан. Хэрэв дуслын хэмжээг 0,05 мл гэж үзэх юм бол адууг “цааш харуулахад” найман дусал л хангалттай аж. Энэ үнэлгээгээр магадгүй илүү ч тооцогдож болох юм. Ийм төрлийн хорны үхлийн тун нь амьтны жингээс болон багасдаг.
8.200.000 хүн жил бүр тамхи таталтын үр дагавараар нас бардаг гэж Дэлхийн эрүүл мэндийн байгууллага мэдээлжээ. Эдгээр мөнх бусыг үзүүлэгчдийн 1-2 хувь нь тамхины утаанд хордогчид гэнэ.
Металлын үнэр юутай холбоотой вэ?
Химийн урвалуудаас л тэр.
Хатуу металл биетээс атом нь бараг л салахгүй. Металлын гадарга дээр гадны идэвхтэй бодисын нөлөөн дор явагдах химийн урвалын бүтээгдэхүүнийг бид үнэр гэж хүлээн авдаг. Жишээлбэл, хүний хөлсөн дэх хүчил нь ширэм болон болдын нүүрстөрөгч, фосфорын цуглуулгатай урвалд орох нь амархан байдаг. Зэврэхгүй үнэт металл үнэргүй учир нь алт мөнгө мэт нь химийн идэвхгүй аж.
Малгай өмсөөд байхад яагаад үс хурдан бохирддог вэ?
Хөлс, тослогоос болоод л тэр.
Үс балиартах гол эх сурвалж нь таны арьсны ялгадас болох хөлс, арьсны өөх юм. Малгай өмсөхөд хөлс, тос ялгарах нь ихэсдэг. Хүн хүйтнээс нийтийн дулаан байр, тээврийн хэрэгсэлд орооод малгайгаа тайлдаггүй хөлсөө асгаруулж явдаг зантай билээ.
М.ЦОГТ
