Британийн жүжигчин Роберт Паттинсоны коронавирусийн шинжилгээний хариу эерэг гарчээ.

Үүнээс улбаалан “The Batman” киноны зураг авалтыг түр зогсоосон тухай Warner Bros студийн мэдэгдлээ. 

Тус студийн мэдэгдэлд “The Batman”-ий зураг авалтын багийн нэг гишүүнээс коронавирусийн халдвар илэрснийг баталсан ч өвчтөний нэрийг зарлаагүй байна.

Харин Vanity Fair сэтгүүл болон Hollywood Reporter сайт өвчтөн нь гол дүрийн жүжигчин Роберт Паттинсон болохыг нэрээ нууцалсан эх сурвалжаас олж мэдсэнээ зарласан юм.

Цар тахлын улмаас киноны зураг авалт энэ оны гуравдугаар сарын дундаас зогсоод байсан бөгөөд ердөө гурав хоногийн өмнө Лондоноос хойд зүгт оршдог Ливсденд дахин эхэлж байжээ.

Одоогоор “The Batman” кинонд гурван сарын зураг авалтын ажил үлдээд байгаа гэнэ. Киноны нээлтийг 2021 оны зургаадугаар сард төлөвлөөд байсан ч 2021 оны аравдугаар сард болгон хойшлуулаад байгаа аж.