Итали Венеци хот сувгуудаараа зугаацуулах гондола завиныхаа багтаамжийг илүүдэл жинтэй хүмүүсээс болон цөөлж байна. Одоо da polo жижиг завинд суух хүмүүсийн тоог зургаагаас тав болгожээ. Da parada гэдэг их сувгаар явдаг том завины багтаамжийг 14-12 хүртэл цөөн суудалтай болголоо.
“Энэ бол үнэн зүйл. Арав, арван таван жилийн өмнө байсантай харьцуулахад одоо жуулчид илүү хүнд жинтэй болжээ. Тэдний жинг хэмжихийн оронд бид завины суудлаа цөөлөхөөр шийдлээ” гэж Венецийн гондола завьчдын эвслийн тэргүүн Андреа Балби ярив.
Хүнд жинтэй жуулчдаас болж завь доош суун ус хутгах болсон. Тэр нь гунигтай төгсгөлд хүргэх магадлалыг нэмлээ. Мөн завь хэтэрхий хүнд болохоор завьчдад залуурдан жолоодоход хүнд боллоо гэж тэр нэмж хэлэв.
Хоёр жилийн өмнө ийм арга хэмжээг Грекийн Санторири аралд авсан ба тэр завь биш, илжигний тухай юм. Грекийн эрх баригчид 100 кг-аас илүү жинтэй жуулчдад илжиг унуулахыг хориглосон байв. Амьтны эрхийн төлөө тэмцэгчид хүн жинтэй жуулчид илжигний нурууг талхиж байна гэж асуудал гарган тавьсан байлаа.
