Өвчний дэгдэлттэй тэмцэж, үйлчлүүлэгч нарынхаа амь насыг аврахад оруулсан зүтгэлийнх нь төлөө эмч нар ба сайн дурынханд гардуулж байх тусгай одон медалийг  бий болгосон. Ерөнхийлөгч Владимир Путины зарлиг Кремлийн сайтад баасан гарагт нийтлэгдсэн байна.

“Пироговын одонгоор онц байдал, эпидеми, байлдааны ажиллагаа болон амь насны эрсдэлтэй нөхцөлд эмнэлэгийн тусламж үзүүлэхэд эрхэм зүтгэл гаргасных нь төлөө Оросын холбооны улсын иргэд шагнагдана” гэж бариматад өгүүлсэн байв. Энэ одонгоор мөн онц аюултай аюултай өвчнөөс урьдчилан сэргийлэх болон эмчлэх, оношилгоо судалгааны ажиллагааг өндөр үр дүнтэй зохион байгуулсан мөн сайн дурын ба буяны үйлс гаргасан зүтгэлийнх нь төлөө  шагнах ажээ.

Оросын цэргийн эмнэлэгийн гарамгай зүтгэлтэн эмчийн нэрээр нэрлэгдсэн одонг онц аюултай өвчнийг эмчилсэн зүтгэлийнх нь төлөө гадаадын иргэдэд гардуулж болох гэнэ.

Фото: пресс-служба Кремля

Пироговын одон

Кремлийн Лука гэгээнтэн гэгдэх Оросын гарамгай хүмүүнлэгийн төлөө зүтгэгчийн нэртэй Крымын Лука гэгээнтний медалийг эмч нар дунд ба бага шатны эмнэлэгийн ажилтнууд мөн эрүүлийг хамгаалах салбарт оруулсан хувь нэмрийнх нь төлөө эрүүл мэндийн салбарын байгууллагын ажилтнуудад гардуулах ажээ.

Энэ медалийг хүн амыг чанартай эм бэлтгэн хангасаны төлөө гардуулах ажээ. Медалийг гадаадынханд гардуулж болно.

Фото: Кремлийн хэвлэлийн алба

Кремлийн Лука гэгээнтний медаль

Баасан гарагт Оросын төрийн шагналын системийг төгсжүүлэх үүднээс Путин эдгээр шагналыг бий болгосон зарлиг гаргасан байна. Зургаадугаар сарын 11-нд  Бүх оросын харилцан туслалцах #МыВместе (#Бид хамтдаа) үйлст оруулсан хувь нэмрийг тэмдэглэх дурсгалын медалийг бий болгосон байлаа.

М.Цогт